后海站搵食：Line Friends Cafe影相開餐兩相宜

＊大大個造型可愛的公仔隨處任你影。

＊行去精品區，又見兩隻公仔。

＊用餐區又有公仔陪你坐。

＊HELLO，可愛公仔同你打招呼。

＊餐廳以輕食、飲品及甜品為主，部分甜品更有可愛大熊的造型。

＊精品區另一角落。

＊我們的下午茶，慕絲和水果茶的水準唔錯。

在綠茶餐廳享用完午飯後，順便逛逛整個海岸城商場。行到累，便去下一個搵食目的地：Line Friends Cafe & Store。

近幾年Line Friends好似無處不在，尤其到首爾旅遊，唔少地方都見到咖色大熊的蹤影。雖然我唔係Line Friends的粉絲，但一場來到后海站，順便探探大熊，吃個精緻下午茶也不錯。

Line Friends Cafe位於海岸城，店舖佔地頗廣，除有用餐和售賣精品的地方外，四周擺放了不少Line Friends的大型公仔，供食客和粉絲影相和打卡之用。大大個造型可愛的公仔，就算不是粉絲的我們也大影特影。至於餐廳以輕食、飲品及甜品為主，不過也有一兩款主食如意粉和飯類。我們點左兩杯原味水果茶（各35元人民幣），再加一個巧克力慕絲（28元人民幣），前者充斥著新鮮水果肉，尤其有多塊大大塊的西瓜肉，都算貨真價實，後者的巧克力慕絲輕軟綿滑，甜度適中。呢餐下午茶盛惠98元，略貴，但以主題餐廳而言則尚算合理。

Line Friends Cafe & Store （深圳海岸城店）

地址：深圳南山區文心五路33號海岸城購物中心二層 203 - 205 舖

電話︰+86-(0)755-8612-588

營業時間︰10:00am-1:00am

前往方法：深圳地鐵 2 號線，后海站 D1 出口

后海站搵食：綠茶餐廳裝修吸睛價錢便宜

＊綠茶餐廳布置古色古香，充滿情調。

＊門口旁停泊的龍船其實是一個六人包廂。

＊枱面和杯碗都花盡心思。

＊雪花糖醋里脊。

＊

＊食過最厚皮的鮮蝦小籠包，而且不夠熱，完全不合格。

 ＊石鍋雞湯豆腐。

＊餐牌圖文並茂，招牌菜式好吸引。

＊真人彈奏古箏陪著用餐，絕對係高級菜館的享受。

＊同場加映：在海岸城負一層的A BITE超級市場，買左兩個超級大的

金煌芒果(約12元人民幣一個)，每個逾一磅，

前幾年去過幾次后海站，印象最深的係Hello Kitty Cafe同南山書城。事隔幾年，星期一再去后海站，多左好多特色食肆，其中不乏打卡熱店，於是我和老友決定在此消磨午餐和下午茶，順便睇定下次開餐的好地方。

上午11點左右到達后海站，在D1出口上電梯，左右便已經是各個商場的所在，在二樓平台的時光走廊上有各式各類大小食店和服裝店，最搶眼的係網紅熱店「鮑師傅糕點」(據講平均排隊時間1小時)，皆因晨早便出現排隊買糕點的人龍，兼且竟然仲俾我們見到有的黃牛黨正在兜售「黃牛包」，果然好火紅。

不過我們對糕點興不大，稍稍停步就朝海岸城的綠茶餐廳進發。來自杭州的綠茶餐廳主打江浙菜，綠茶餐廳的分店遍佈全國，如杭州、北京、上海、深圳、南京、武漢等地，價錢相宜，不收服務費和茶錢。餐廳布置極為典雅吸睛，甫入門口即見一艘小船停泊在旁，原來是可以坐六人的包廂，而店內一棵棵假櫻花樹在昏暗燈光映照下充滿情調，就連枱面和杯碗都花盡心思，令人恍如置身高級菜館一樣。不過，餐牌的價錢卻極為相宜，全部二十至幾十元有交易。由於要留肚吃下午茶，我們只點了四個菜：鮮蝦小籠包：皮太厚，不太夠熱，不合格；蝦皇煎餃，薄皮配上蝦肉餡，唔錯，不過都係唔太夠熱；雪花糖醋里脊，其實與平日吃慣的糖醋里脊差不多，不過多灑了糖霜，少點脆口感，味道都對版；石鍋雞湯豆腐，味道中規中矩。

整體上，四個小菜的水準僅不過不失，無大驚喜。埋單只係111元人民幣，在如此優雅環境再加真人彈奏古箏陪著用餐，絕對值回票價。

在綠茶餐廳享用完午飯後，順便逛逛整個海岸城商場。最值得逛的是負一層的A Bite超級市場和食店林立的網紅街。

綠茶餐廳

地址：深圳市南山區文心五路33號海岸城廣場5樓

電話︰86 755 2671 1177

前往方法：深圳地鐵 2 號線，后海站 D1 出口

深圳后海站遇上Hello Kitty

＊下午茶時分，人客唔多，非常寧靜，唔講唔知係Hello Kitty Cafe的深圳分店。

＊兩件蛋糕加兩杯飲品，盛惠140多元人民幣。左上角的繽紛水果茶超正，絕對值得推介。

＊同韓國及日本咖啡室一樣，當電鈴閃閃下時，就可以去櫃枱取食物啦～

＊Hello Kitty當然梗有一隻在你左近。

＊另一隻在店後方位置，完全無人影，我地係咁大影特影。

＊門外相。

前兩日，同老友深圳一日遊，行程同以前差不多，由落馬洲過關，坐地鐵到后海站搵間酒樓嘆午茶，然後再到南山書城買下書，回程返回會展中心站逛家樂福，最後在CoCo Park（購物公園站）嘆南小館精緻晚餐作結。

今次唯一驚喜的係竟然在海岸城的地下遇到吉蒂（Hello Kitty）。呢間Hello Kitty Cafe咖啡室應該係新開，因舊年上址都唔見有佢的蹤影。咖啡室的裝修好簇新，窗明几淨，布置雅致，當然唔少得吉蒂貓的蹤跡。下午茶時分客人唔多，女生為主，非常寧靜，座位任坐，難得係大大隻吉蒂貓擺設可以任得我地兩個大鄉里大影特影。

食物方面，我地點左兩件蛋糕加兩杯飲品，盛惠140多元人民幣，完全係香港價錢。質素方面，則同樣媲美香港的水準，非常好味，兩件蛋糕分別係鳳梨味味榛子味，甜度適中，蛋糕鬆軟。飲品方面，我點的繽紛水果茶果然好七彩繽紛，大大瓶，裡面有五六款水果，飲落又係甜度適中，果味剛好，水果件件都食得落肚，以33元人民幣來計，都算貨真價實。

整體來講，自己唔係吉蒂粉絲，今次係生平第一次幫襯Hello Kitty Cafe，感覺非常好。下次再返深圳，可能去幫襯埋CoCo Park（購物公園站）個邊的另一間分店也話唔埋。

Hello Kitty Cafe

地址：深圳后海站海岸城地下

閒遊深圳后海站 嘆茶兼逛南山書城

 

從后海站E出口 ，左手面即見保利劇院。

 

右手面則是保利文化廣場，商場內有各式各樣食肆，中西日韓泰西等一應俱全。

我地在新桃園酒店內的中菜廳嘆茶，呢度的點心最難得係一籠拼兩種款式，可以試多幾款。

香港未食過刴椒茄子燒賣，味道都幾辣。

 新疆核桃酥整成原粒核桃模樣，幾別致，係我地的飯後甜品。

 后海站有多個不同的商場，海岸城購物中心應該係最大的一個。

飯後，下一個站係南山書城，我地沿商場平台一直往前走。

 經過有蓋的深圳灣大街，落樓梯之後，繼續向前行，

就係南山書城，腳程合共約十分鐘。

 南山書城跟深圳購書中心差不多，人流不太多，睇書買書都好舒服。

 下午茶時段，我地揀左平台上蓋的Gaga物語咖啡店，坐在露天雅座攤抖一下。

咖啡店的熱門飲品－－水果茶超大杯（35元人民幣），兩人分甘同味就最適合不過。

11月初，又約老友北上深圳一日遊，今次要進擊的係蛇口線后海站。我地在龍華線的市民中心站轉乘蛇口線往后海站。

從E1出口，即見保利劇院和保利文化廣場，再前方又有海岸城，以及多間百貨公司，要購物的話真係好多選擇，商場又大，名牌店舖更唔少，加上環境乾淨開闊，唔講真係唔知係深圳！

我地先在一間新桃園酒店內的酒樓嘆茶，食左五籠點心：小籠包拼粉果、菠菜餃拼木耳餃、菌皇水晶球、刴椒茄子燒賣同埋新疆核桃酥，除左小籠包和粉果較普通同埋香港亦可以食到之外，其餘四款都較特別，尤其鍾意菠菜餃拼木耳餃兩款，每粒餃內滿滿蔬菜，好味道，呢度的點心最難得係一籠拼兩種款式，可以試多幾款。埋單唔使一百元人民幣，不錯！

午飯後，沿商場平台一直往前走，經過有蓋的深圳灣大街，落樓梯之後，繼續向前行，就係南山書城，腳程合共約十分鐘。逛完書城，原路折返，經過商場平台，幫襯左Gaga物語咖啡店，坐在露天雅座嘆下午茶，咖啡店的熱門飲品－－水果茶超大杯（35元人民幣），兩人分甘同味就最適合不過。

后海站前往方法：
由於我地從落馬洲出發，所以坐深圳地鐵龍華線在市民中心站轉蛇口線，前後約40分鐘車種，便到達后海站。


2019年重遊后海站，到海岸城搵食 ( 從后海站D1出口，經扶手電梯直達海岸城 )

后海站搵食：綠茶餐廳裝修吸睛價錢便宜

后海站搵食：Line Friends Cafe影相開餐兩相宜