墨爾本自由行（六）：Outlets掃貨篇(DFO South Wharf與Harbour Town)

＊由皇冠賭場沿河岸邊行過去DFO South Wharf Outlet十零分鐘

＊DFO South Wharf Outlet有三層，主要行地下同地庫一層即可。

＊DFO South Wharf Outlet的每間店外都有好多梳化任坐

＊各式各樣的名牌都可以搵到，高中低檔都有，梗有一兩間啱你地行。我就鍾意逛運動品牌店，折扣好吸引。

＊我就同朋友一人買左一對New Balance運動鞋，合共只係100澳元，簽卡回來的兌匯率折合只係港幣572元，呢個價錢在香港一對都買唔到啦！

＊兩件在Cotton On買的T恤，各5澳元一件。

＊適逢下雨天，位於Docklands的Harbour Town outlet較為冷清。

＊Harbour Town outlet露天無蓋，若要在店與店之間穿梭就要開遮，而且無地方供休息。

＊Harbour Town內的Degani餐廳係我地午飯開餐的選擇。

雨天的下午，餐廳完全無人咁滯。

＊Degani餐廳：我地叫左蘑菇雞薄餅同沙律，薄餅用石爐烤焗，脆且薄，配以燒烤醬尤其美味。

＊Degani餐廳：香茅薑茶，不錯。

在整個七日行程中，我地去左市內兩個outlets，一個位於皇冠賭場附近的DFO South Wharf，一個在Docklands的Harbour Town。

在皇冠賭場Conservatory嘆完豐富的自助餐之後，我地順便到附近大約15分鐘路程的DFO South Wharf Outlet逛逛。呢個Outlet有地庫、地下同二樓三層，折扣店主要集中在地庫同地下呢兩層，二樓可以不去。Outlet內有各種各樣的名牌，不過我地集中睇運動用品店，最後我地用左100澳元，買左兩對New Balance運動鞋，又去左Cotton On買左兩件5澳元的T恤做運動，收穫唔算多，但呢度勝在好行，室內有空調之餘，每間店外都有好多座位供休息，而且地庫仲有一間小食店，逛得累，隨時可以充下電再掃過貨。

至於另一間位於Docklands區的Harbour Town，主要係因為天雨關係，無所事事之下，揀左再去Outlet行街。相比DFO South Wharf，呢度較偏遠，雖然都可以坐35號或其他電車到達，不過人流極少，簡直可以用十室九空來形容，加上店與店之間是露天設計，落住雨行的話，就一定要開遮，而且亦無座位供休息，不過就有幾間食肆選擇。店舖種類同數目都比DFO South Wharf Outlet為少，不過，老友居然在FILA店執到平貨，用30澳元買左對波鞋，折合只係170港幣，抵到暈。

DFO South Wharf

地址：20 Convention Centre Place, South Wharf, Melbourne VIC 3006

網址：www.dfo.com.au/southwharf/                    

營業時間：除星期五至九點外，其他日子：朝十晚六
前往方法：在Flinders Street火車站對面再轉19號電車直達（由於仍在Free Tram Zone內，19號車免費乘搭），建議可順便去埋皇冠賭場嘆自助餐。

Harbour Town Melbourne Shopping Centre

地址：440 Docklands Dr, Docklands VIC 3008

網址：www.harbourtownmelbourne.com.au/

營業時間：朝十晚六
前往方法：坐35號City Circle免費電車直達