＊大洋路的開始（Great Ocean Road）
＊導遊兼司機的Johnny幫我地照的逆光相片，好有意境，正！
＊大洋路沿途經過唔少衝浪海灣，Johnny會停低俾我地慢慢影相。
＊帶我地去尤加利樹叢中尋找可愛樹熊的蹤影，居然俾我地發現到一個隻好生猛醒神的樹熊在樹上穿梭。
＊餵飼七彩鸚鵡。呢位外國男人最高峰時被四隻鸚鵡黐住，猛叫同伴同佢影相。
＊下雨天，看到經典的十二門徒石（The Twelve Apostle），好難忘！
＊行埋落沙灘近距離睇死左（侵蝕碎裂了）的一兩粒十二門徒石。
＊羅克阿德峽谷（Loch Ard Gorge）
＊溶洞
＊跟陸地斷裂左的倫敦橋（London Bridge）
踏入第三日，來到行程最期待的大洋路之旅（Great Ocean Road Tour）一日遊。我揀左跟一對新加坡夫婦經營的小旅行社Candy Tour，主要是鍾意小團模式，人數最多11人，彈性夠大，導遊兼司機Johnny講國語，也方便溝通，於是分別報左兩個團，一個是大洋路之旅一日遊（Great Ocean Road Tour），一個是蒸汽火車（Puffing Billy）+企鵝島（Phillip Island）一日遊。
大洋路之旅由於車程較長，我地要在上午7點15分酒店門外等Johnny的車子，再接埋其餘的團友，然後驅車往墨爾本的西南方向往大洋路（Great Ocean Road）前進。大洋路據稱係世界最美的海洋公路，沿路經過唔少海灣，Johnny除左在大洋路的入口路牌落車，影張到此一遊的相片外，仲不時在唔同海灣和衝浪海灘停車，等我地有時間拍照留念，難得的係佢影相確有一手，幫我地影左好多意境和構圖超靚的相片，實在值得一讚。
隨後載我地到尤加利樹叢中，尋找可愛樹熊的蹤影，居然俾我地發現到一個隻好生猛醒神的樹熊在樹上穿梭。跟著又去餵飼七彩鸚鵡，冒著可能患上禽流感的風險，被多隻鸚鵡踩著頭、啄食手上的飼料，感覺其實都幾驚恐！
隨後載我地到尤加利樹叢中，尋找可愛樹熊的蹤影，居然俾我地發現到一個隻好生猛醒神的樹熊在樹上穿梭。跟著又去餵飼七彩鸚鵡，冒著可能患上禽流感的風險，被多隻鸚鵡踩著頭、啄食手上的飼料，感覺其實都幾驚恐！
中午時分，自費在阿波羅灣（Apollo Bay）吃過快餐後，便前往12門徒石（The Twelve Apostle）等著名景點，可惜天公不造美，下午落雨，幸好Johnny供應雨衣，於是大家著住雨衣，迎住風冒雨觀各種奇形怪狀的風化石，除12門徒石外，仲有羅克阿德峽谷（Loch Ard Gorge）、吉布森石階（Gibson Steps）同埋倫敦橋（London Bridge）等，非常壯觀！Johnny邊解說邊帶我地行落沙灘兼做埋攝影師，非常貼心。
睇完風化怪石後，返回墨爾本要三個小時的車程，中途Johnny帶我地到一間中式小餐館食自費晚飯，炒麵夠鑊氣又好味，每人只係12至13澳元，就已經食到超飽了。
到晚上9點，終於返回酒店，14小時的一日遊順利結束，行程好滿意。
Candy
Tour
大洋路之旅收費：130澳元（網上須預繳60澳元訂金）（不包膳食）
沒有留言:
張貼留言