＊鹽水白丁蝦
＊蛤蜊拌麵
＊三杯小卷
＊鐵板豆腐
＊當地人和遊客都嘉歡幫襯記德海鮮餐廳。
金門四天遊，主要吃的是小吃和簡餐，如蚵仔麵線、餛飩、湯圓、紅豆餅、湯麵等，唯一特別的是第一晚幫襯了網友大力推介的記德海鮮餐廳，話無論金門當地人或遊客都必到的著名食店，仲話若沒有訂檯的話，便要等上一兩小時。
餐廳就在宏福旅店的左面，步行三幾分鐘即到。六點左右到餐廳，餐廳未客滿，不過沒有小檯。服務員見我地無訂檯，便要我地等一會，然後安排我地坐二樓房間內的一張大檯。參考過網上博客的精美照片和美食推介，便叫左四道菜：三杯小卷、鐵板豆腐、鹽水白丁蝦、蛤蜊拌麵，所有菜式分大、中、小，我地全部選「小」。結果送上來的都超級大碟，三杯小卷的味道似三杯雞，不過就變左魷魚圈，甜甜的，好惹味；鹽水白丁蝦即白灼蝦，大大隻好鮮甜；蛤蜊拌麵即蜆仔拌麵，蜆仔細細粒但鮮甜無沙，拌麵超級多，實在點食都食唔晒；鐵板豆腐夠鑊氣，份量大。結果，我地變左兩隻大徙鬼。
四道菜合共才660台幣，折合港幣唔使200元，每人只係幾十蚊就可以吃到捧腹，性價比可謂高到爆燈，不過前提係人多至好幫襯，兩個人真係好難食得晒咁大碟的菜式。
記德海鮮餐廳
地址：金門縣金城鎮民族路253號
電話：08-232-4461
最愛指數：＊＊＊＊＊
沒有留言:
張貼留言