霧霾上海行（五）：新吉士嘆新派本幫菜（新天地）

 新吉士酒樓位於新天地北里。

 星期二的晚上，客人唔太多，我地可以即時有位。

蘆萵千絲

招牌菜－－阿婆紅燒肉是必吃之選，不過好大煲，四至五人分享較合適。

蟹黃薺菜豆腐羮超大鍋，同樣適合四人飲用。

小籠包普普通通，可以不要。

 飯後，逛逛新天地，四圍掛滿燈飾，好有節日氣氛。

 新天地舉行Merry Kissmas，邀請情侶上台接吻！

 當情侶接吻時，聖誕樹的燈光便會由綠色轉為紅色。

據現場接吻統計器顯示，已有1,631對情侶在此公開接吻。

步出新天地，四周盡是名店立林，唔講仲以在身在香港的中環。

遊完朱家角，我地俾多少少車費請司機載去新天地新吉士酒樓吃晚餐。據講新吉士在上海有七間分店，以新天地呢間最有人氣，提供的係新派本幫菜，而且聽講好多藝人如張曼玉和劉嘉玲都係常客，當然要見識見識。

我地點的包括招牌菜阿婆紅燒肉、蟹黃薺菜豆腐羮、蘆萵千絲和小籠包。估不到呢度的菜式每碟都份量十足，兩個人食到捧著肚子走：

＊阿婆紅燒肉：當晚所見，差不多十檯有八檯都有叫呢道菜式，外貌似東坡肉，肥肉多過瘦肉，味道甜甜的，好濃味，肥肉亦入口即溶，不過實在太大煲，所以就算我地只吃瘦肉部分，都食唔完。

＊蟹黃薺菜豆腐羮：侍應話夠兩個人飲，點知送上來的原來是一大湯鍋，莫講話兩個人，四個人飲都足夠，結果我和老友分別飲左三碗幾有多。味道方面，蟹黃份量唔少，嫩滑的豆腐切成幼條狀，配埋薺菜絲，呢個羮杰而不漏，很不錯。

＊蘆萵千絲：幼長翠綠的蘆萵在香港無見過，難得係清炒，可以中和左紅燒肉的油膩感覺！

＊小籠包：味道反而好普通，而且皮不夠薄，可以不吃。

埋單居然只係310元，完全好超值。

新吉士酒樓（新天地分店）

地址：太倉路181弄新天地廣場北里2號樓

電話：021-6336-4764

營業時間：11:00-14:00；17:00-21:30

新天地前往方法：

由陝西南路站的太平洋百貨地面，轉右再轉右，幾分鐘即達新天地北里，入口正是新吉士酒樓所在。