＊呢間汗蒸幕由門面至顧客都係好local，完住無遊客的蹤影。
＊俾左錢，佢俾鎖匙，又係自己將鞋放鞋櫃，然後上二樓去。
＊浸完三溫暖池，出番二樓大廳，男男女女齊齊訓！
＊我地唔訓住，去左呢個極大的汗蒸幕窰室，原本只有一個男人，
我地進來後，佢走左，我地獨霸左一陣。
＊我地揀左在房內休息。
＊休息到十點半左右，一出大廳，無晒人！！！Ｄ人究竟去左邊？
＊大廳盡頭就係小食部，只有一檯女仔進餐。
＊呢個就係佢地的地下招牌，見到個熱湯Logo，
就知有汗蒸幕。對面就正正係 D city 商場。
出發前見有blogger（有時真係唔好太信一兩個blogger的資料！多搵幾個求證最安全！）話西面站 2 號出口有兩間汗蒸幕，其中一間叫綠柱麥飯石蒸氣房，話好易搵，便大安旨意無列印任何相片和文字，結果搵勻幾個出口，行勻半個西面站，影都無！又問過好多當地人，都搵唔到，有Ｄ甚至話西面站唔多汗蒸幕，搵左近一個鐘，終於便利店收銀員叫我地去D City 對面，果然搵到一間 24 小時營業的汗蒸幕。
呢間汗蒸幕由門面，格局以至顧客都好本地化，沖涼連汗蒸幕 9,000 韓圜（今次兌換價：1:143，約 63 港元），以日間價錢來計，唔算太便宜，唔知係咪周日價錢較貴呢？！（記得首爾東大門 Sparex 只係 7,000 韓圜！）
沖完涼，旁邊只有三個浴池，兩個不同熱度，一個係冷池，選擇較少。另外，仲有一間桑拿小房。浸完後，我地去大廳，只見數以十人攤著睡，鼻鼾聲大作，幸好除大廳外，仲有兩三間房可供休息。至於汗蒸幕的窰室只有兩個，其中一個超大間，居然無人幫襯，我同朋友玩左一陣，就到其中一間小房攤抖。一兩小時後，大約朝早十點幾，發現全房無晒人，大廳又無晒人，點解？唔通有清場時間？真係諗唔通！呢度也有小食部，不過我地無幫襯，寧願出去西面搵食好過！
以格局和收費來計，我就唔太建議幫襯，除非真係無地方可休息啦！
西面站汗蒸幕
前往方法：在西面站向東川路方向走，在 D city 商場的對面
收費：9,000韓圜（周日我地幫襯時的價錢，沖涼浸三溫暖兼汗蒸幕）
沒有留言:
張貼留言