釜山首爾追櫻記（三）：日式定食做午餐（西面站）

＊門外的易拉架顯示不同定食好吸引。

＊我的滑蛋豬扒飯，豬扒炸得幾脆口，配滑蛋中和油膩。

＊朋友的牛肉烏冬鍋。

＊朋友的定食送飯團，飯團外層烤過，內夾沙律三文魚，我試過味道不錯呢～

＊店內的格局乾淨整潔。

＊檯角有Call鈴，要點菜就按鐘仔啦！

由於離酒店的 Check in 時間（下午兩點）仲有一段時間，我地在西面站四周搵午餐落腳點。西面站食肆林立，食店種類極多，真係好難取捨！正當我地舉棋不定之下，有派傳單的阿珠媽俾左張七折優惠券我地，叫我地幫襯日本料理店，反正我地無心水，就決定一試韓國的日本定食啦！

我叫左滑蛋豬扒飯，飯的份量唔多，豬扒炸得好脆，有滑蛋中和油膩，唔錯。朋友叫的係牛肉烏冬鍋，有一大鍋烏冬之外，仲有椰菜絲沙律和飯團。飯團外層烤過，內夾沙律三文魚，我試過味道不錯呢～

埋單合計15,000韓圜（折合約105港元），價錢便宜，不過特色欠奉啦！