首爾追楓記2017（五）：世界文化遺產水原華城半天遊

＊搭巴士在八達門下車後，要搵水原行宮都搞左我地好耐。

＊水原華城的左邊城牆。

＊水原華城是好多古裝韓劇的拍攝地，呢個位置更加係熟口熟面。

＊水原華城的雲漢閣。

＊水原華城在周末可以免費入場。

 ＊水原行宮係電視劇《大長今》的拍攝地，現時仍在李英愛的造型照在大門口外。

＊水原華城於1997年與昌德宮一起被聯合國教科文組織列為世界文化遺產。

第三日再跑長途，前往水原華城。水原華城是朝鮮（1392-1910年）後期建於京畿道水原市內的邑城，水原城的軸城於1794年開始興建，1796年完工。水原華城於1997年與昌德宮一起被聯合國教科文組織列為世界文化遺產。

由首爾站坐4號線到衿井站，再轉1號線到水原站，車程約一個多小時。在5號口的左面後，坐巴士（11, 13, 36, 39）到八達門（팔달문）下車。下車後，由於無路牌指示，又無拎地圖，走左唔少冤枉路，搞左大半個鐘先去到華城行宮。呢個行宮係電視劇《大長今》的拍攝地，亦有唔少古裝韓劇曾經在此取景，所以都幾親切。基本上，行宮跟我去過的昌德宮、昌慶宮和景福宮都好似差不多，要咁遠水路來參觀，值唔值得就見仁見智啦。所以，食過午飯後，再在其中的一幅城牆影多幾張相後，就打道回府，返回明洞行街兼唱錢好過。

水原華城前往方法：

首爾站坐4號線到衿井站，再轉1號線到水原站，車程約一個多小時。再轉巴士（11, 13, 36, 39）到八達門（팔달문）下車。從八達門的華城行宮開始參觀，步行的方式往上爬到西將台，行經西將台、華西門、長安門至華虹門，需2小時。