首爾追楓記2017（六）：落星垈公園銀杏秋色最吸引

＊由於遲左落車，竟然俾我地可以慢慢沿著斜路欣賞到落星岱路的銀杏大道。

＊落星岱路兩旁的金黃銀杏非常壯觀。

＊落星垈公園的入口。

＊落星垈公園是觀賞秋色的最佳地方。

＊紅色楓葉與黃色銀杏相映成趣。

＊充滿古雅氛圍的公園，遊人唔多。

＊安國祠旁的秋色。

＊安國祠是供奉姜將軍的祠堂。

第四日上午，唔出遠門，揀左首爾市區內的兩個公園賞秋色。上午先到落星岱站，坐2號巴士前往冠岳山落星岱公園，原本應該在第4個站落車，點知坐過龍，遲左幾個站才急急落車。不過，錯有錯著，落車後，馬路兩旁竟然是銀杏大道，金黃色的銀杏非常漂亮，我地沿著馬路往下走，步行前往公園，邊行邊影銀杏，行得好開心。

步行左十分鐘左右，就到達落星岱公園的入口。公園為紀念姜邯贊將軍而建造，園內的安國祠正是供奉姜將軍的祠堂。整個公園面積大，四周種滿花花草草，其中銀杏已轉黃，楓葉則半紅半黃，有些甚至仍然綠色。遊人唔多，空氣又好，非常適合一邊散步，一邊觀賞秋色。

落星垈公園前往方法：

坐地鐵4號線到舍堂站，再轉2號線往落星岱站，在4號出口直行，到加油站轉左坐社區綠色小巴（冠岳02），第4個站就係落星岱公園。