＊雨後黃昏時分的福岡塔。
＊搭電梯上展望室，電梯是半透明的，可以在上升時睇外面的風景，
可惜我畏高，唔太敢望出去。
＊下午六點幾，福岡市全景盡在眼下。
＊日間：福岡一景。
＊夜間：福岡一景。
＊等到近八點，先至見到燈火璀璨。
＊落兩層見到呢個巨型心形擺設，難怪係情侶聖地。
＊愛情鎖必不可少。
＊著燈的福岡塔更美。
掃完貨，先返回酒店稍事休息，再出發前往福岡塔。搭機場線在西新站，再在站外轉巴士前往，否則亦可以步行二十分鐘到達。我地用Pass，當然坐巴士慳番腳骨力，而且出示Pass購買福岡塔入場券有八折，只係640日圓。
福岡塔係由8,000塊熱反射玻璃鑲嵌而成，高達234米，係日本第一的海濱塔，從123米高的展望室可以飽覽福岡市的全景。登上半透明的電梯，由電梯女郎講解福岡塔的小資料之餘，仲可以透過電梯望向外面的風景。下午六點幾，我地先欣賞日間的福岡市全景，然後慢慢坐著等天黑，結果近八點先睇到璀璨燈光下的夜色，看罷日與夜景色，步行落四樓的咖啡店和三樓的情侶聖地，可以在巨型的心形擺設下拍照留念兼且買番把愛情鎖鎖著對方啦！
福岡塔
營業時間：9:30至22:00
前往方法：乘搭地鐵機場線到西新站下車，可步行20分鐘或坐巴士前往，車程約五分鐘。由於我地有悠遊卡，所以可以免費坐埋巴士，慳番腳骨力。
沒有留言:
張貼留言