＊在中洲川端站2號出口，前行一分鐘即見一蘭總店。
＊地下展示一蘭產品。
＊上二樓，買完票就自己揀個自閉位坐低啦！
＊拉麵果然好濃郁，溫泉蛋更是一絕。
＊抹茶杏仁豆腐雖然有少少貴，但好滑溜，值得吃！
＊食完，買左包拉麵返香港慢慢嘆。
在香港，因為實在太多人，所以從來無幫襯過一蘭。今次九州行，知道當地的一蘭分店極多，所以點都要試試。
遊完福岡塔，再坐機場線在中洲川端站下車，在2號出口步行一分鐘，即見大紅燈籠高高掛的一蘭總店，登上二樓即可以透過售賣機購買拉麵、配料、甜品等，我揀左普通拉麵加紫菜加溫泉蛋，再配個抹茶杏仁豆腐，然後就可以去自閉位等侍應收單，等於在自修室內各自修行。我選擇較濃郁的湯底，雖然有少少油，但好惹味，叉燒薄又腍身，溫泉蛋的蛋黃半熟又有味道，麵身軟硬適中，果然不錯。甜品的抹茶杏仁豆腐雖然貴少少（390日圓），但超滑溜，抹茶加杏仁味又出奇地夾，而且唔太甜，用來做拉麵後的甜品，正好中和油膩感。
食完拉麵，實在回味，於是再買五個裝的拉麵（1,290日圓），帶回香港慢慢再品嘗。
一蘭總店
地址：福岡県福岡市博多区中洲5-3-2
電話：092-262-0433
營業時間：24小時
前往方法：機場線在中洲川端站的2號出口，直行一分鐘即達
價位：一般拉麵790日圓
沒有留言:
張貼留言