偷得浮生遊饒宗頤文化館

＊饒宗頤文化館的荷花池前留影。

＊荷花盛放。

＊饒宗頤教授

＊俯瞰饒宗頤文化館一景。

＊展覽廳後方，環境清幽。

＊銀杏館－饒館係文化館內唯一一間餐廳，午餐和晚餐價錢較貴，

下午茶抵食又人少，最舒服。

＊三文治下午茶餐，三十幾蚊，算抵！

＊同場加送－－銀髮Band友操歌，練習陳百強《喝采》名曲。

＊位置圖（來源：饒宗頤文化館）

尋日有空檔，跟老友逛遊美孚饒宗頤文化館，度過一個悠閒午後時光。饒宗頤文化館的前身是荔枝角醫院，係香港特區政府發展局「活化歷史建築伙伴計劃」的首批活化項目。文化館除左有饒宗頤教授的個人資料和字畫之外，仲有其他展覽可以參觀，若想宿一宵的話，仲可以入住「翠雅山房」（Heritage Lodge）。逛遊時，遇著一班由導賞員帶領下的中學生，我地就在旁邊聽埋一份！整體而言，雖然位處美孚呢個市區之上，但文化館環境好清幽舒服，個別的參觀人士唔多，行下賞下花都很不錯～

逛完，我地仲幫襯埋館內的唯一一間餐廳－－銀杏館－饒館，呢間係一間社企餐廳，僱用左唔少銀髮長者。我地點左兩份三文治（茄蛋石雜菜）下午茶餐，連加一，盛惠77元。同場仲奉送銀髮Band友操歌，練習陳百強《喝采》名曲，實在有時光倒流的感覺。



饒宗頤文化館

開放時間：星期一至日上午8時至下午10時

下區展覽館開放時間：星期二至日上午10時至下午6時

（逢星期一休館）

地址：青山道800號（美孚港鐵站B出口向前行，上天橋向山上方向，過馬路即到，腳程約五分鐘）

網址：www.jtia.hk/

（免費參觀）