九州自由行（九）：門司港唐戶市場買海味

＊門司港往唐戶的渡輪碼頭。

＊就係坐呢隻船去唐戶市場。

＊唐戶市場。

＊大大隻雞泡魚！

＊濕貨市場好多手信攤檔。

＊乾貨區亦有唔少海產和手信舖。

＊由於唔係周末和假日，市場較冷清，部分店舖更加可以講下價。

第三日，繼續跑長途，前往門司港。因為北九州Pass內無車直接去到門司港，需要先由博多去到小倉JR站再轉普通JR線。從博多往小倉的列車，通常在小倉下車的月台對面，就是搭往門司港的列車，坐大約15分鐘JR就會去到門司港站。

站外步行約5分鐘路，就會見到渡船碼頭，直接買票登船就可以去到唐戶市場，船費單程400日圓，來回800日圓，約8分鐘船程。唐戶市場在平日也會營業，但賣壽司刺身的飲食街只在五、六、日和假期才營業。我地係星期四的中午時分到達，市場內的海產檔好多都已經收檔，其他仍開檔的多是手信檔，大熱的當然係雞泡魚（河豚）製的各式食品，和其他海味。市場旁邊仲有唔少乾貨店，同樣賣門司港的海味和特產。

唐戶市場

前往方法：在門司港站下車，步行約五分鐘即達渡船碼頭，坐大約八分鐘船程即到達唐戶市場

營業時間：（周、六）10:00～15:00，（周日、節假日）8:00～15:00