銅鑼灣日式咖喱豬扒好味道

＊吉列豬扒飯，豬扒好大塊，又脆口。

＊例湯、沙律同飲品一併送上，搞到人唔知食咩好，應該係唯一要改善的地方。

 ＊兩款雪糕－－士多啤梨和曲奇，好creamy，唔太甜。

＊據朋友話，呢間咖喱屋在日本當地好出名，失敬失敬！

由於想去工展會，所以揀左呢間位於皇室堡的日式咖喱店醫肚，打算食飽行過去維園最方便。

呢間店只賣日式咖喱，在日本當地好出名。我揀的係吉列豬扒飯（68元），若想轉為套餐，享用例湯、迷你沙律、甜品和飲品，可以分別加15元（兩款配料）、20元（三款配料）或25元（四款配料），我就貪心Ｄ，加足25元配齊一個full set（例湯、迷你沙律、甜品和飲品）。

＊例湯：最初以為係味噌湯，結果送上來的係洋蔥湯，清清地，都算熱辣辣！

＊迷你沙律：醬汁可以揀麻醬或日式醋，我揀麻醬，撈埋雜菜，好味道。

＊吉列豬扒飯：熱辣辣上枱，豬扒好脆口，肉質亦鬆化，咖喱好濃郁，甜中帶極微辣，正！

＊甜品：兩款雪糕－－士多啤梨和曲奇，好creamy，唔太甜，又係正！

＊飲品：凍檸茶，由於一早連例湯和沙律一併送上，早已由凍變唔凍。

埋單約100元左右，以食物水準，尤其係吉列豬扒飯和雪糕來計，絕對值回票價，值得推介啦！

CoCo壹番屋 

電話：3583 0155

地址：銅鑼灣銅鑼灣告士打道311號皇室堡4樓402號舖