天朗氣清山頂遊

尋日個天又藍又清，真係近日難得的好天氣！

居然在山頂商場內有間電子文化館。

點解我在山頂開左間辦館，自己都唔知？！

文化館雖然店子細細，卻展示左唔少電車的資料同模型，而且歡迎拍照。

圖中展示的係舊日電車座椅。

文化館內仲有唔少懷舊物件。

盧吉道上反對改建精品酒店宣傳紙板。

宣傳紙板。

居高臨下，維港兩岸風景清晰可見，實在好難得！

夕陽西下，慢慢逛一圈，感覺超爽！

食完午餐，跟住又約另一位老友上山頂逛逛。

雖然天氣酷熱，但天氣實在太好，所以山頂有唔少遊人。四點到達山頂，溫度仍然極高，所以入冷氣商場內閒逛，年幾無來，好到商店已經換晒，愈來愈無野好睇，行行下，居然俾我發現有間叫電車文化館的小店，店子細細，居然有好多電車模型、電車歷史介紹，仲有好多懷舊擺設，幾過癮。

逛完一輪，終於太陽無咁猛，就由盧吉道行一圈。尋日天氣實在好，難得無煙霞或霧氣，維港兩岸的景色清晰可見。行行下，見到「請簽名支持保護盧吉道行山徑，反對改精品酒店」的宣傳紙板，醒起呢度將來會改建酒店，到時想輕鬆遊一圈，應該無咩可能！


哎，香港好去處賣少見少，實在好可惜！