小食拼盤：擺得好骨子，各款都熱辣辣，味道不錯。
豬柳闊條麵，水準普通。
芝士鮮蝦三文魚意粉非常好味，可惜份量略少。
套餐奉送的甜品有三款：最左面的咖啡慕絲不太甜，好好味！
其實幾年前我同老友都幫襯過呢間餐廳，覺得佢的布置有Ｄ娘娘地，大大盞水晶燈，高背絲絨座椅，厚厚的布幔，但統統有Ｄ破舊，好似一個褪色的貴族，不過就幾靜局。今日再去幫襯，格調始終如一，而且我到達時，十二點未夠，餐廳仍在準備中，侍應安置左我入靠窗的房間。同樣是殘舊的高背絲絨座椅，娘娘地的水晶燈，加上小小霉的味道，幸而仍然靜局。
午餐有頭盤（沙律、湯、小食任揀一款）、主菜、甜品拼盤加飲品，價錢由70至140多元。我地揀左芝士鮮蝦三文魚意粉和豬柳闊條麵，同是92元。
蒜茸包：即時焗起，熱辣辣，好味道。
頭盤：我地同樣揀左脆脆小食，炸磨菇、春卷同軟殼蟹都好味。
芝士鮮蝦三文魚意粉：份量唔多，但鮮蝦同三文魚都足料，而且creamy，好美味。
豬柳闊條麵：份量亦唔多，不過水準普通。
甜品小拼盤：三款小甜品，的式但略甜，我最鍾意係咖啡慕絲，唔太甜，咖啡味濃。
兩人合共202元，價錢好合理。
Dap Modern European Restaurant
地址：尖沙咀柯士甸道102號1樓
電話：3526 1228
沒有留言:
張貼留言