阿春家同樣位於定西路，從酒店步行約三兩分鐘即到。
門口收銀處的牆上顯示店內各款食品，採自助形式。
店子細細，布置則古色古香，絕非一般的小吃店。
全部食品即叫即蒸，而且開放式廚房，衛生有保證。
冰糖雪梨水和豆漿免費任飲。
牆上掛著不少獎狀。
全蟹黃湯包（4粒/20元）
全蟹黃鮑魚生煎包（2粒/40元）
蟹黃上海青餛飩（8粒/25元）
醃菜四小碟，免費享用。
放行李攤抖過後，就在酒店附近搵食。結果揀左一間名叫阿春家的高級小食店做晚餐。呢間阿春家雖然係一間自助購票的小店，主要賣生煎包、湯包、餛飩等小吃為主，牆上卻掛滿左好多獎項，格局卻似中式菜館，古色古香，非常骨子。
我地叫左全蟹黃湯包（4粒/20元）、全蟹黃鮑魚生煎包（2粒/40元）、蟹黃上海青餛飩（8粒/25元），全部即叫即蒸或做，價錢絕不便宜。不過，一分錢一分貨，全蟹黃鮑魚生煎包雖然好的式，但咬落去真係好足料，尤其見到餡料夾雜左好多蟹黃，包底滿滿芝麻粒，食落好脆口。全蟹黃湯包的湯汁亦濃郁，不過皮可以再薄一些，應該更好味；餛飩就不過不失，配埋清湯，可以消滯。
另外，顧客除有免費奉送的醃菜之外，仲可以免費任飲豆漿或雪梨水等飲品。呢間極簡單的晚飯85元。老友因為唔夠飽，再轉戰food court食多碗韓國牛肉石鍋飯。
阿春家前往方法：
長寧區定西路（中山公園站5號出口轉右，即行約五分鐘）
沒有留言:
張貼留言