首爾追楓記（十）：韓流館繼續尋星蹤（鼎鉢山站）

＊高陽新韓流宣傳館。

＊館外有韓劇劇照，包括《張玉貞，為愛而生》、

《夢想高飛》（Dream High）。

＊韓流館入口。

＊戲服展示區：大家可以著埋《夢想高飛》的校服，扮男／女主角！

＊《夢想高飛》（Dream High）的戲服展示。

＊那些年的金秀賢，你認得佢嗎？

＊《漂亮男人》中的張根碩。

＊左邊見到裴勇俊。

＊《張玉貞，為愛而生》中的各主角掌印。

＊《張玉貞，為愛而生》戲服。

＊品牌店有張根礵的產品發售。

＊高陽新韓流宣傳館位置圖。（地點來源：韓巢）

逛完MBC大樓，便過對面馬路，位於一山湖水公園的高陽新韓流宣傳館，繼續尋找星蹤。

高陽新韓流宣傳館內，可以睇到在高陽市拍攝並製作的韓流節目，包括電視劇、電影同埋韓流明星泰迪熊等，包括《張玉貞，為愛而生》、《夢想高飛》（Dream High）、《夢想高飛2》（Dream High 2）、《致美麗的你》、《總理和我》、《漂亮男人》等，裡面有韓流電覍劇區、《致美麗的你》／《張玉貞，為愛而生》區、戲服展示區、3D影院、品牌店等，四周放滿各個劇集的劇照、紙版明星甚至明星掌印，大可跟佢地拍照留念，好似久違了的裴勇俊、《夢想高飛》中的金秀賢、《漂亮男人》中的張根碩、《張玉貞，為愛而生》中的金泰熙等都可以在此搵到，意猶未盡的話，仲可以著埋《夢想高飛》的校服，扮男／女主角添，不過校服太細件，想穿都穿唔落。

由於係平日的關係，只有一團十幾人的南亞女子參觀，佢地走左之後，全館只有我和老友兩個，於是可以慢慢擺甫士影靚相。

高陽新韓流宣傳館 고양신한류홍보관（Dream high場景）

開放時間：10:00~17:00 (每周一休館)

電話：031-908-3236

地址：京畿道高陽市一山東區湖水路595（一山湖水公園高陽花卉展覽館2樓，在 MBC大樓對面步行約五分鐘即達）（同樣位於鼎鉢山站）

首爾追楓記（九）：MBC電視台大樓食住等明星（鼎鉢山站）

＊MBC電視台大樓Dream Centre ( MBC드림센터 )

＊MBC電視台大樓Dream Centre 位置圖。（地圖來源：韓巢）

＊大樓正門，面向一山湖水公園。

＊大堂可以自由走動，上面放滿經典韓劇劇照，下面則是歷史牆。

＊經典韓劇－－《奇皇后》。

＊經典韓劇－－《大長今》。

＊歷史牆。

＊在轉角位仲有一大幅韓星牆。

＊大堂設有咖啡王子1號店，我地一於在此嘆下午茶，希望等到一粒半粒韓星掠過。

＊蜂蜜厚多士做下午茶，正！

醫完肚後，接著前往 MBC 夢想中心尋找韓星的足跡。據講，受韓樂迷喜歡的MBC音樂中心就在裡頭錄製，話唔定可以撞到韓星出入就發達啦！大樓地下大堂有咖啡王子1號店之外，再往裡面走，即可看到一個大看板上有許多知名韓星的相片，仲有介紹MBC的歷史牆，就算撞唔到明星，看看牆上的明星相都可以解解渴！

影夠相後，我地直頭在咖啡王子1號店嘆下午茶，希望邊食住等韓星。除蜂蜜厚多士外，我就飲佢地新出品的Grains Snow Blended，賣相好吸引，Grains有Ｄ似平時食開的米糠布甸口感，再加個同口味的雪糕球，感覺好rich，但好好飲。蜂蜜厚多士即叫即做，多士中間有大大個忌廉球，切落去感覺好鬆軟，麵包食落軟熟又煙韌！食完呢個下午茶，一直飽到夜晚都無胃口再晚飯啦！

結果係……坐足一粒鐘，食完都等唔到一粒半粒韓星經過！

MBC夢想中心（MBC 드림 센터）

地址：京畿道高陽市一山東區獐項洞869號 

交通：地鐵3號線鼎鉢山站1號出口，右轉後直走，於三岔路口往一山Rake Polis大廈方向過馬路後直走，位於一山湖水公園對面

首爾追楓記（八）：一次嘗盡八種滋味五花烤肉（鼎鉢山站）

＊在MBC電視台大樓Dream Centre側門過對面馬路，

然後直行轉右，即見到呢間八色五花店。

＊八色五花店的位置圖。

＊30,000韓圜可以嘆到咁大堆頭的烤肉，真係平到笑！

＊店員先烤味道較淡的五花豬肉。

＊海鮮豆腐味噌鍋可以食得啦！

＊一邊烤肉，一邊烤埋泡菜、金菇，一舉兩得。

＊我地兩點半先來幫襯，差不多包場咁滯。

網友強烈推介的八色五花店在鼎鉢山站也有分店，而且距離MBC夢想中心側門3分鐘腳程，所以決定在此解決午餐。下午兩點半時分，呢間人氣店只剩下一兩枱客人，實在太好。我地點左經典必吃的「八色套餐」（30,000韓圜），ㄧ次享受八種調味的烤肉──大蒜、葡萄酒、松葉、香草、咖喱、大醬、辣椒醬及高麗人參，而且附送海鮮豆腐味噌鍋。

店員先幫我地烤四種味道較淡的五花豬肉之餘，亦同時開爐煮海鮮豆腐味噌鍋！烤肉熟後，我地用菜葉夾埋辣椒醬同食，減去油膩更滋味！待我地吃完四種味道後，店員擦走鐵板上的烤肉殘餘物後，繼續烤最後四種重口味。不過，可能係我地味蕾唔多發達，食完八種烤肉後，都唔係幾食得出各款味道，剩係咖喱同辣椒醬兩款最突出。

兩個人夾埋足足食左八塊唔同味道的豬扒再加一個海鮮豆腐味噌鍋，實在食到捧腹！加上有專人代勞烤製，30,000韓圜（折合約210港幣）的一餐，又係一個抵字！

八色五花（一山分店）

地址：양시 일산동구 장항동 863

電話：031-915-8383

交通：從鼎鉢山站出發約步行8分鐘，MBC夢想中心側門對面橫街轉右步行1分鐘即到

首爾追楓記（七）：一山湖水公園秋色正濃（鼎缽山站）

＊出左鼎缽山站，經過呢兩旁銀杏樹，一直往前走，便會到達一山湖水公園。

＊我地靠右走，沿著緩跑步道慢慢行，景觀好開闊！

＊經過玫瑰園，可惜唔係玫瑰盛放的季節，否則應該好漂亮！

＊半開的玫瑰。

＊進入樹叢內，仲有石春路俾遊人赤腳走，當做腳底按摩。

＊撞到金秀賢，不過今次佢化身《Dream high》的角色而唔係都敏俊C，

旁邊張長椅則刻著My Love from the Star！

＊整個湖一望無際。

＊離開一山湖水公園，靠右邊行，穿過呢條銀杏路，便會到達 MBC Dream Centre。

＊鼎缽山站有極多景點（一山湖水公園、MBC電視大樓、韓流館、

八色五花烤肉店、La festa 商場、Western Dom、Home Plus）值得遊覽，

絕對可以消磨一日。（地圖來源：韓巢）

第二日的行桯，全集中在鼎鉢山站。鼎缽山站位於京畿道高陽市，距離市中心約一小時地鐵車程，當中有唔少值得一遊的景點：一山湖水公園、MBC電視台大樓 Dream Centre、高陽市韓流館、八色五花烤肉店、La festa 商場、Western Dom、Home Plus 等，有玩有食有楓景，足夠玩足一整日！

由東大門歷史文化公園站坐地鐵，輾轉坐左一個小時才到達鼎鉢山站，第一個遊覽的景點係一山湖水公園。步行約十分鐘便到達一山湖水公園，兩旁的銀杏樹已經全變成金黃色，充滿秋意，漫步其中，寫意又浪漫！

公園面積30萬坪，係東洋最大的人工湖水公園。韓劇《原來是美男》、《屋塔房王世子》、《紳士的品格》據講也曾在此取景。我地在公園右邊開始，沿著步道漫步，經過玫瑰園，再在紅紅黃黃的樹蔭下穿梭，陽光充沛，天氣微涼，行累了，就在叢林間的長椅下休息吃零食，感覺好舒服。

閒遊近兩小時，可惜公園實在太大，未能遊畢全園就要折返，去吃烤肉醫肚了。

高陽市一山湖水公園（일산호수공원）

交通：3號線鼎鉢山站 1 號出口往後面通過一條大直路上天橋，過橋後就是廣闊的一山湖水公園了（徒步需10分鐘）