又遊青衣徑

初三之後，再遊青衣徑，只不過是個零月的時間，卻有恍如隔世之感。呢個月，忙到天昏地陰，做尖無時間，郊遊更無時間！想新近大自然兼出一身汗，原本係咁難的一件事。今日終於的起心肝，約老友行呢條最近又最易行的青衣徑。

幸好我地一點出發，天色雖然陰暗，青馬大橋仍然這麼近、那麼矇，但勝在無落雨， 涼涼地，行得好輕鬆！

三點去到長發村，在茶記坐底吹下水、食個ＴＥＡ， 講下《星星》，一個下午過得簡單又開心。

生活的樂趣就是如此簡單！

後話：唔知係咪太開心，一世英明的我居然大懵坐錯對頭車，由長發村坐左去荃灣，結果將錯就錯，直頭去荃灣買埋一個星期的蔬果同日用品，然後再坐地鐵返東涌！

馬年郊遊第二擊：青衣半天邊遊邊吃

 呢一邊天朗氣清，藍天澄明。

另 一邊煙霞蔽天，霧鎖青馬大橋！

 青衣公園池塘水淙淙，蓮花待放。

事隔一個月，呢幾棵樹的黃葉將盡，遊人已移情別影，向花叢取景！

半日食兩餐下午茶，吹水到日落才踏上歸途！

新正頭又郊遊，今次係馬年郊遊第二擊，同樣由我帶隊，相約識左十幾廿年的老友，一行六人，下午一點約在青華苑巴士站出發，由青衣徑落長亨村和長發村，經青衣海濱長廊和青衣公園，再折返長發村，兩三個鐘頭內食左兩餐下午茶（一餐在長亨村，一餐在長發村，都係幫襯茶記），五點幾先迎著日落歸家去，非常盡興！

送蛇迎馬，一周之內三次郊遊（坪洲、香港奧運徑和青衣），出盡一身臭汗，精神爽利，為馬年儲足能量，迎接新挑戰！！

青衣半天邊吃邊遊郊遊路線：

青衣徑＞長亨村（下午茶）＞長發村＞青衣海濱長廊＞青衣城＞青衣公園＞長發村（第二餐下午茶）

青衣郊遊 隆冬賞秋色

 今次行青衣徑時，沿途已鋪好晒石屎路，絕對係超舒服的郊遊徑。

煙霞嚴重，青馬大橋只係若隱若見。

 在青衣海濱公園眺望對岸，同樣灰濛濛。

 隆冬時分，青衣公園滿園秋色。

如此良辰美景，話身處外國公園也有人信呢～

前幾日，再遊青衣徑作為2013年郊遊最後一擊。今次先由青華苑的青衣徑開始，沿途石級和石屎路都鋪砌完工，行得好舒服，不過煙霞嚴重，青馬大橋只係若隱 若見。到長亨村後，在商場內小吃一會後，再沿馬路向長發市中心進發。到達巴士總站後，今次搞搞新意思，轉左進入青衣海濱公園漫步向青衣城方向前行，順便影 埋荃灣對岸景致，可惜又係煙霞累事，灰灰濛濛。

通過青衣城連接的天橋，轉入青衣公園，想不到隆冬時分，秋色正盛，唔少龍友聚集拍攝靚景，我地都唔輸蝕，從唔同角度影黃葉秋色，放上面書時，大家仲唔敢相信呢Ｄ相居然在香港拍攝出來呢～

青衣郊遊路線：

青華苑入口＞青衣徑＞長亨村（可在村內商場稍事休息）＞長發村（由長亨沿馬路落山，大約二十分鐘）＞青衣海濱公園＞青衣城＞青衣公園