＊在西鐵天神站坐呢架旅人特急列車，經二日市站，直接到達太宰府。
＊天宰府的別具特色星巴克分店。
＊參拜道陸續有遊人加入，直頭好似遊行咁，而且仲係一團團做單位！
＊橋上盡是人頭湧湧。
＊天滿宮外，想影張清靜相片，真係唔好諗。
＊又係人，而且仲見到有人吐痰，真係唔敢走埋去。
＊皇后之梅也俾呢兩位神奇女俠打扮的內地同胞佔領了。
＊太宰府必定要食呢款梅枝餅（每件120日圓，好抵！），
熱辣辣炮製，超級好味！
＊太宰府站旁也有一蘭拉麵的分店，好方便。
由於前一日落大雨，所以改在最後一天的上午遊太宰府，今次買的Pass係市內交通加太宰府專用，售價1,340日圓。
我地坐地鐵機場線到天神站，跟著指示到6號出口，便可以轉往西鐵福岡（天神）站，轉天神大牟田線經二日市站到達太宰府站，我地搭的係太宰府旅人特急列車，只係12分鐘左右便到終站。站口向右前行，經參拜道，就可以直達太宰府天滿宮。太宰府天滿宮是祭祀平安時代的學問家菅原道真，同時也是菅原道真的墓地，每年吸引不少旅客到訪祈求學業。
估唔到整個太宰府出現人滿之患，由參拜道一直到天滿宮都充斥著一團又一團的旅行團，當中大部分仲係中國內地團，人聲鼎沸，直頭嘈過旺角，想走近看看飛梅等著名風景，簡直痴心妄想，於是怱怱看罷，就折返參拜道，試左新鮮即做的梅枝餅，果然好好味，軟綿綿的外皮包著紅豆餡，實在好燙口，一定要細啖細啖品嘗。最後仲俾我地發現只售600日圓（連稅）的特價雨遮，即時掃埋帶返香港。
若想避開人潮，奉勸大家千祈咪在星期六日或假期前往，否則只會敗興而回。
完成太宰府行程，再轉到中洲川端站午飯，然後才施施然掿地鐵回博多取行李，再利用Pass繼續坐地鐵機場線前福岡空港，完成六日五夜的九州之旅。
太宰府前往方法：
由博多站搭乘地鐵的機場線到天神站，經站內指示前往6號出口，就可以到西鐵福岡（天神）站，然後坐天神大牟田線經二日市站到太宰府站，特急列車時間只係12至13分鐘。
