首爾追楓記（二十）：戰利品與仁川機場退稅

＊在 Etude House 和 Nature Republic 買回來的戰利品。

點解得呢兩間？因為呢兩間有特價！

＊Nature Republic：

Eye Cream（30,000 韓圜）買一送一

紙面膜（10,000 韓圜）十送十

男士爽膚水（7 折後：5,950 韓圜）（幫細佬買）

（其他是贈品）

＊Etude House：

城堡 Hand Cream 禮盒裝（一盒四款）

（7折後：16,520 韓圜，即115元左右，香港賣236元）

BB Cream（7折後：10,500 韓圜，即74元，香港賣148元）

洗面膏（7折後：5,250 韓圜，即37元，香港賣98元）

Body Lotion（8,500 韓圜，買一送一，即30元一支，香港賣98元）

潤唇彩（7折後：2,450 韓圜）

＊東大門 Good Morning City 商場買的冷背心，原價 48,000 韓圜，

連埋下面的白 T 恤（15,000 韓圜）一併買，

最後以 52,000 韓圜成交，慳左 11,000 韓圜。

＊白 T 恤（15,000 韓圜）

＊在三清洞路上，除有咖啡店外，更有不少小店正進行大減價，

以上的特價襪每對只係 700 韓圜，即折合 5 蚊港幣一對！

今次韓遊，除左買左兩件衫和幾對襪之外，買得最多又係護膚品！其實，我已經堅持唔減價唔買護膚品呢個原則，不過見到 Etude House 同 Nature Republic 剛剛減價，結果抵受唔到折扣的吸引力，尤其部分貨品低至半價，計番起來，平過香港門市近半有多，好似 Etude House 的 BB Cream，香港門市賣 140 元，而家 7 折後，只係 10,500 韓圜，約 75 元，點可以唔買呢？！

買埋買埋，當然要退稅。下午近 4 點半（我地坐大韓 8 點機）到達機場後，大家記得唔好辦登機手續，應該先拎晒全部填好個人資料的單據到海關櫃位（在大堂入口直行轉左手邊）蓋印，跟著旁邊會有工作人員教我地點樣用部自助機器 scan 護照同單據，完成所有程序後，先至好去辦登機手續。提提大家，退稅程序都幾快，但排隊辦登機手續就排足 45 分鐘，所以最好預鬆時間到機場。

過關後，再到 28 號閘口的退稅櫃位取回現金，由於我地的貨品在藍色和橙色兩間公司都有得退稅，所以排完藍色公司櫃位，再過隔籬排橙色櫃位，終於退回合共 9,000 韓圜（折合 63 元）的稅金，足夠食個下午茶！

五天首爾追楓玩樂遊，順利完成，期望下年再去過！

首爾冬遊記（二十一）：仁川機場退稅兼玩韓國小手工

 ＊D / J counter旁就見到呢個退稅申報櫃位，職員會在退稅單上蓋印。蓋印後，連隨將行李俾隔籬的大型行李counter托運，好快捷方便。

 ＊入到禁區，到28號閘口搵Tax Refund counter，櫃位職員會檢視已蓋印的退稅單，無問題的話，便即時退番現金。左面的小姐忘記預先在退稅單上填寫個人資料，搞到手忙腳亂。

 ＊經過韓國傳統文化體驗館，看到有免費手工藝做，最啱打發時間。

 ＊美麗的韓國女職員講解如何繪畫木板畫。

 

＊我照著呢幅鳳凰來勾畫線條，然後填上顏色。

＊填好顏色後，我的作品，居然變左一隻雞！

落雨濕濕，唔想再遊東大門，於是提早四小時到達仁川機場，打算退稅兼逛逛機場。

到達機場後，大家可以先到check in counter辦理好登機手續，記得同地勤職員講話要Tax refund，職員就會將登機證同行李俾番你，你可以到D/J Counter旁開始辦退稅手續，關員會在退稅單上蓋印作實。蓋好印後，你就可以連隨將行李拖過隔籬counter托運上機架啦！

過關後，再去到28號閘口的Tax Refund Counter辦理其餘手續。職員檢查完已蓋印的退稅單後，便會即時退回現金，整個過程只係幾分鐘就搞掂，我合共退左5,500韓元（40港元左右，夠吃一個雞排炒飯架！朋友就退左成100,000韓元，真係唔簡單！）。提提大家，記得來機場前先將整個行程的退稅單填好晒個人資料，以免來到櫃位時臨急臨忙先逐張單係咁填，搞到手忙腳亂。

退完稅，仲有成三個鐘頭先登機！百無聊賴之際，經過韓國傳統文化體驗館，看到有免費手工藝做，最啱打發時間。今次的手工藝係雀仔木板繪畫，大家可以自由發揮，又或跟住佢地提供的鳳凰，慢慢在木板上用鉛筆勾出線條，然後著色。結果，用左半小時的時間，我的製成品居然係一隻雞，但總算七彩繽紛啦！職員之後仲幫我的小鳥加上小繩，然後送番俾我做紀念。

五日四之首爾冬遊記終於畫上一個句號，好期待下次再遊首爾啊！