＊湄江店內的環境非常擠迫，唔好諗住坐好耐。
＊前面係我的雜菜河配芽菜；後面係老友的魚丸河配芽菜，湯底同食物味道完全係零！
＊湄江位於Swanston Street上，四周圍其實好多食肆，
根本唔需要慕名等位食呢種越南河。
網上好多人讚呢間湄江失肉河點解好食，又話美國前總統克林頓仲幫襯食過兩大碗，香港名人紅星如成龍、洪金寶、蔡瀾也曾是座上客，於是我地都慕名幫襯。
先講環境，店內座位密麻麻，非常迫狹；侍應態度亦欠佳，我落單先講枱號no.9，侍應誤以為我order no.9號的食物，然後木無表情咁怪我做咩講no. 9，質問的語氣同態度差到不得了，呢個人係我在墨爾本見過的侍應和路人之中最差的一個！我唔係乞食呀，點解要用咁差的態度對待客人呀！
食物方面，我唔太餓，揀左雜菜河，老友就揀魚丸河，各10.5澳元。奉上的河粉分量適中，再奉上生芽菜一碟。我的雜菜連湯底無聞無味，完全食唔出廚師的功力，試過朋友的魚丸亦普通，香港任何一間粉麵舖也好過佢。當然，我地無試佢著名的牛肉河，唔敢推翻晒前人的口碑。偏偏坐在我旁邊有個馬拉大叔見我地講廣東話，跟我地吹水，同樣鬧爆呢間店的河粉質素完全唔掂。總之，呢間食店係我地墨爾本七日之中食過最差兼服務最惡劣的一間，絕對在黑名單之首！
湄江越南牛肉河粉（Mekong Vietnamese Restaurant）
地址：241
Swanston Street, Melbourne 3000
沒有留言:
張貼留言