九州自由行（六）：古雅向海的別府新松實酒店

＊日式房間。

＊向海的景觀，可惜窗外因大雨關係變得太濛濛！

＊廁所同浴室。

＊早晚用餐的餐廳。

＊豐富的晚餐。

＊早餐也唔簡單。

＊七樓室內的大池，只有我同朋友浸，好舒服。同樣，因天雨關係，

睇唔清出面的別府灣景致，好遺憾。

我地入住的新松實酒店係一幢古雅的七層高溫泉旅館，坐落於美麗的別府灣對面，日式的酒店房間亦對正別府灣，坐在天王按摩椅上，一邊嘆茶，一邊按摩，享受悠閒看海的時光，真係超正。可惜，由天雨關係，唔可以試六樓的露天風呂，只可以到七樓的室內大池浸溫泉，幸好飯後無人浸，我同老友獨霸浴池和化妝間。

至於膳食方面，我地的晚餐和早餐都係在二樓餐廳享用，兩餐都係超豐富的和室定食，每人有十多碟大大小小食品，晚餐有和牛、魚生、蔬菜、湯、甜品等，早餐有蒸豆腐、蒸蛋、煎魚等，同樣好美味。晚飯後，返回房間，榻榻米睡鋪已鋪好。

酒店的服務人員親切有善，就連餐廳的嬸嬸雖然不懂英語，也用盡身體語言招呼我地，感覺好舒服。

別府新松實酒店海薫る宿ホテルニュー松実

地址：大分県別府市北浜3丁目14-8

前往方法:：別府站東出口出站，向著北濱海邊方面直走，步行約15分鐘

網址：www.new-matsumi.com/