九州自由行（七）：小倉旦過市場嘆新鮮魚生飯

 ＊魚町銀天街。

＊魚町銀天街內的店舖。

＊魚町銀天街遇見龍貓專門店。

＊魚町銀天街的盡頭，對面就係旦過市場。

＊旦過市場內有不少熟食小檔。

＊旦過市場內的海產。

＊旦過市場中間的左面橫街，見到呢間魚生店，作為午餐醫肚的好地方。

＊我的魚生定食，只係1,350日圓，抵。

＊朋友的煎魚定食也不錯。

翌日，坐別府坐JR音速特急列車到小倉站下車，約1小時20分鐘車程。小倉其實係去門司港必經之路，不過我地唔想一日連玩兩個大景點，所以就在第三日用半天時間遊覽小倉市。小倉既有繁盛現代一面，亦有古樸地道的風貌，景點又集中，所以用半日時間，以腳步遊走非常悠閒。

出站後，沿著小倉城的指示牌靠右前行，見到有蓋的商店街──魚町銀天街，裡面有各式各樣的大小店舖，就連DAISO 100日圓店也有兩間，其他店舖的貨品價錢都好便宜，由幾百至幾千日圓不等，我地瞄準心水店舖後，留待回程時出擊。

魚町銀天街的盡頭，就係旦過市場。有100年歷史的旦過市場售賣新鮮海產、蔬果、當地土特產等，最正係要幫襯橫街一間魚生小店，佢地的則身定食只係1,350日圓，有五、六款魚生，全部新鮮爽口，連我怕魚腥味，平日只食三文魚同吞拿魚的人都覺得件件皆正！難得係即叫即做，只係港幤80幾蚊，香港邊度得丫！！

旦過市場

地址：北九州市小倉北区魚町4丁目2-18

營業時間：因店舖而異，但大多為10:00～18:00

前往方法：從JR小倉站下車，向小倉城出口出站，靠右沿著魚町銀天街一直走到盡頭，過馬路即到，徒歩約10分鐘。