首爾追楓記（二）：東大門華美達酒店方便就腳

＊我地住11樓，午後陽光灑入房間內，夠光猛，幾舒服。

＊放落兩張單人床之外，仲有位擺小圓枱和椅子。

＊房間內有熱水瓶、洗衣機、風筒等設備！

＊房間的走動位算闊落！

＊最後一天的早上，食左特價自助早餐（約70蚊），食物種類好足夠！

＊雜菜沙律。

＊醃菜用來送粥一流。

＊我的第一碟。

＊酒店外觀。

上次住過東大門歷史文化公園站的Western Coop Residence（西方高爺公寓酒店），酒店鄰近東大門各大商場，而且東大門新地標──東大門設計廣場（DDP）亦座落於此，覺得呢區好方便，所以請Agent幫我搵左另一間都係附近的東大門華美達酒店 (Ramada Seoul Dongdaemun) ！

酒店介乎乙支路4街站和東大門歷史文化公園站之間，前往東大門商場同DDP約步行十幾分鐘，同樣都係坐 6001 號機場巴士，同樣都在 Acacia Hotel／Western Coop Residence 下車，落左車往後行，轉左直行一分鐘即達，很方便。而且酒店大門對面，過左條馬路，向內街方向行入去就係中部市場，可以順便去買海味添！

設施方面，酒店開業三四年，仍覺新淨，房間算大，放左兩張單人床之外，仲有唔少走動位，附有洗衣機和大型雪櫃，感覺有點似 service apartment。浴室用品方面，除缺少牙刷和牙膏之外，洗髮、護髮、沐浴和潤膚露一應俱全。另外，免費 WiFi 連線快，速度夠，好正！唯一要彈的係房間空調唔可以控制，全天候暖氣，就算著短衫短褲，半夜都會熱到醒！

早餐方面，旅遊套票唔包早餐，但職員提醒我地只要預早一日前預訂，可以 45 折的價錢吃自助早餐，原價約 18,000 韓圜，可以 10,000 韓圜享用，70 蚊就可以食到 buffet，抵到極！所以，我地最後一天的早上，試過酒店的自助早餐，種類算多，包括西式和韓式食物等，質素達標啦！

東大門華美達酒店 (Ramada Seoul Dongdaemun)
網址：http://www.ramadadm.com/main/main.php
前往方法：位於東大門歷史文化公園站與乙支路4街站中間，坐6001號機場巴士在Acacia／Western Co-op Residence站下車，步行前往東大門商場約十多分鐘。