＊迎月路（又或迎月嶺）連接海雲台和松亭的山岳（牛耳山），道路旁種滿櫻花。
＊好在仲有唔少櫻花盛開。
＊遍地櫻花花瓣，有些少淒美的感覺。
＊中段轉入十五曲道，參天松樹遮住陽光，行得好舒服。
＊迎月路可遠眺海雲台浴場全貌。
＊經過海月亭。
＊步下迎月路，向左邊海灘走去，就到達浴場的入口，只見海鷗處處。
＊海雲台浴場的其中一個地標。
＊末段見到海雲台水族館，再往內街向下走，就係海雲台地鐵站啦～
酒店 check in 後，追櫻的第一個站係海雲台的迎月路。坐地鐵 2 號線前往中洞站（即海雲台的下一個站），車程約半小時。從2號出口，往海灘方向步行上斜路，大約 15 分鐘。
迎月路（又或迎月嶺）連接海雲台和松亭的山岳（牛耳山），道路旁種滿櫻花樹，景色開揚，可遠眺海雲台全景，係賞花散步的好地方，亦係拍攝新娘照、時裝照的熱門取景地。今年天氣較暖，有近半的櫻花樹已開始落花並長出新葉，大風起時櫻花花瓣墜落，形成櫻吹雪，所以遍地花瓣。剩番花托有近半的櫻花交通方便，景色開揚。
沿著車路慢慢步行上斜路，邊行邊影花，感覺不錯。行至中段，轉入下方的十五曲道，呢條櫻花樹與松樹茂密交錯的林間小路因彎彎曲曲十五次以上，所以被稱為十五曲道。全程約370米，松樹參天，走在泥路上陰涼舒服，所以散步的遊人不少。大約行左20分鐘左右，盡頭上方就會返回迎月路的上方。我地跟住慢慢從迎月路下山，經過跳蚤市場和海月亭，一直往下走，不過今次到山腳時轉左方，前往海邊，逛遊海雲台海濱浴場。
浴場長 1.5 公里，寬30至50米，面積 58,400 平方米，可容納12萬餘人。不過，4 月天氣清涼，浴場浪又大，雖然無游泳人士，但卻見有十來個人在海中逐浪，勁！海灘最多的係海鷗，唔少遊人拋食物餵佢地，一群群海鷗飛來飛去搶住食，完全唔怕人。
沿著沿場直走，最後經過海雲台水族館，返回內街搭地鐵去。
迎
月路及海雲台海濱浴場
前往方法：坐地鐵2號線前往中洞站（即海雲台的下一個站），從2號出口，往海灘方向步行上斜路，大約15分鐘。
建議：先上山遊迎月路，再折返到海邊去，浴場的黃昏日落景色不錯。另外，整條迎月路有好多咖啡店依山而建，背山面海，有時間不妨坐低嘆杯咖啡攤抖。
