墨爾本自由行（十四）：墨爾本超市掃貨篇（Big W、Woolworths及Coles）

＊我的戰利品，主要在超市掃貨得來。

＊Swanston Street上的QV，地庫有兩間超市：Big W同Woolworths超市，

差不多係我地每日必逛景點之一。

＊Big W似沃爾瑪同家樂福，售賣日用品為主，但也有零食。

＊Big W內的服飾似乎以外國人做對象。

＊Big W的日用品，我地有日在呢間超市買到特價木瓜霜（4.98澳元，比Woolworths平1澳元），即買幾支，自用送禮兩相宜。

＊Woolworths就係如假包換的超級市場，除蔬糕點外，仲有日用品和零食等貨品。我在呢間買左4折的床笠、0.78澳元的吞拿魚罐頭，同Tim Tam朱古力餅。

＊Woolworths的水果供應左我地七日旅程所需。

＊在彩虹小屋途中的Church Street遇見第三間大型連鎖超市－－Coles。

＊Coles賣的Tim Tam居然半價，真係低處未算低！

＊Coles賣的Tim Tam （Virgin Pina Colada口味），居然只係60澳仙，

即係港幣3.4元，等於香港（香港要30幾蚊一包）十分一價錢。不過香港無呢種口味。

＊呢款Virgin Espresso Martini（雞尾酒味道），香港無得賣，Coles賣0.6澳元，當然買！試過有少少苦，但都唔差。

＊Coles的罐頭吞拿魚都好平，通通只係0.80澳元。

近年去旅行，最鍾意去當地的超級市場逛逛，貨品種類多又價錢相宜，尤其零食更加有唔少選擇。難得我地經過路過的Swanston Street上有QV，而QV地庫已有兩間超市：Big W同Woolworths，所以我地差不多每日到此一遊。最高興係去Bathing Boxes（彩虹小屋）時，又俾我地發現埋另一間超市Coles，於是就成功為墨爾本超市的格價專家了！

Big W：似家樂福同沃爾瑪（Walmart），衣服同日用品較多，食物零食選擇較少，但居然俾我地有日發現呢度特價發售木瓜霜，價錢較對面的Woolworths平1澳元，兩盒羊脂膏就只係6澳元。抵！當然要買番少少。

Woolworths：超級大型的超市，乜都有得賣，我買得最多的Tim Tam朱古力餅，味道包括White Chocolate、classic、Virgin  Pina Colada（雞尾酒味道）、Virgin Espresso Martini（雞尾酒味道）、Chewy Caramel同Three Beans等，價錢由1至2.5澳元不等，只係香港三分一價錢左右，甚至十分一價錢，部分味道在香港未見過，唔買對唔住自己。另外，床笠又有特價，4折，折實只係港幣40幾蚊，又買！吞拿魚罐頭只係4.5港幣，又買！朋友就見大大包通心粉只係1澳元，當然唔放過！仲有墨爾本呢幾日的生果、飲品同糕點（下午6點後，所有糕餅只係1澳元，我買過大大件的朱古力Muffin超好味！）都係幫襯呢間超市，我地絕對係忠實的擁躉！

Coles：難得在Middle Brighton的Church Street上有一間，兼且俾我地發現Tim Tam仲平，由0.60至1.82澳元，於是又買多兩包。結果，我夾埋買左16包Tim Tam，真係幾瘋狂！