深圳南小館 精緻美味浙江菜

 南小館四小拼（四喜烤麩。馬蘭香乾，涼拌木耳，糖醋排骨）

 無錫小籠包

 豬排菜飯

蝦仁薺菜湯羮

  細沙南瓜團

 杏仁白玉凍

餐廳布置西式雅致。午飯時間，全廳滿座。

南小館在香港也有分店。

由於我地住的葵花公寓在購物公園附近，所以我地今次選在呢個地鐵站上蓋的COCO park醫肚。最後鎖定呢間在香港也有分店的南小館。

呢間餐廳布置好西方，食的是浙江菜，水準唔錯，尤其甜品更加今我地喜出望外：

＊南小館四小拼（四喜烤麩、馬蘭香乾、涼拌木耳、糖醋排骨）：餐牌中可以六揀四款，夠彈性，四款冷菜分量的式，每款都幾好味，木耳辣中帶酸，糖醋排骨香濃惹味，馬蘭香乾剁得用心，四喜烤麩則普通啦。

＊蝦仁薺菜湯羮：加埋豆腐粒更加滑溜。

＊豬排菜飯：炸豬排唔太油，不過肉質略嫌鞋口少少。

＊無錫小籠包：皮薄，湯底有少少甜甜地，似無錫肉骨頭的醬汁。

＊甜品（杏仁白玉凍、細沙南瓜團）：絕對不容錯過的甜品，難怪每檯差不多都叫啦。兩款甜品都唔太甜，杏仁白玉凍的杏仁味極香，奶凍好滑溜；細沙南瓜團外形十足小南瓜，咬落煙韌，餡料係豆沙，好好味！

埋單，原本要167人民幣，但只要拍下門口的宣傳海報，立時減收20元，即只需147元，抵食！

南小館
地址：福田福華三路269号福田星河COCO park2樓L2-J07室(近購物公園地鐵站)
電話：(0755) 8635 6161