酒家位於碼頭旁，採自助形式，就係自己出門口的點心檔揀選心水點心，
然後再自己拎回座位去。
煎蘿蔔糕：最好味的點心，糕內有啖啖蘿蔔絲，完全唔粉，絕對值得推介。
叉燒包和鮮竹卷，水準普通。
燒賣、鳳爪和糯米雞中，最正係糯米雞好足料！
食飽後，往碼頭的左方向坪愉徑前行。
經過七彩繽紛的仙姊廟。
坪愉徑入口，沿小路行，無敵海景在左方。
全程都係石屎路，好易行。
回頭望一景。
居然俾我地見到大量的蜻蜓，佢個名叫：赤褐灰蜻。
行完一圈，以龍母廟作終點站，唔使一小時腳程！
由中午玩到黃昏，終於打道回府，半日遊話咁快完結。
上幾次到坪洲後，多數都係食茶餐廳，今次搞搞新意思，試海景海鮮酒家嘆一盅兩件。呢間酒家位於碼頭旁邊，採自助形式，就係自己出門口的點心檔揀選心水點心，然後再自己拎回座位去。各式點心價錢：小點$14，中點$16，大點$18，茗茶$4／位，唔算貴。我地合共食左六碟點心：
燒賣：豬肉為主，加上少許蟹籽，勝在好熱辣辣。
鳳爪：若再入味和腍身的話，會更好味。
糯米雞：估唔到好多料，正！難怪見好多人都叫來吃！
叉燒包：可以揀一個又得，兩個又得，甚至乎鴛鴦包（即一個叉燒包，一個雞包）都得，夠彈性。個包好大個，叉燒亦足料。
鮮竹卷：最麻麻地的點心，裡面蒸得唔夠熱，否則應該幾好味。
煎蘿蔔糕：最好味的點心，糕內有啖啖蘿蔔絲，完全唔粉，絕對值得推介。
埋單只係$91蚊，即每人$45，超抵！食完一盅兩件，我地向碼頭的左面方向，朝著坪愉徑行一圈，亦係我最鍾意坪洲環島遊的路徑，無直上手指山咁辛苦，而且沿途向海，望住愉景灣和迪士尼酒店，陣陣海風吹來，好舒服！而且雖然有上山路段，但只係十幾廿級石級，而且有樹蔭，完全唔覺辛苦。行完一圈，到達龍母廟，大約需時不用一小時，實在極度易行的行山家樂徑。行完，再嘆埋下午茶，坐4點15分街渡經神樂院回愉景灣，半日遊圓滿結束。
海景海鮮酒家
地址：坪洲永安橫街13-15號地下
營業時間：星期一至日: 05:30-15:00及17:00-22:00
電話：2983-9588
坪洲來往愉景灣稔樹灣街渡
費用：$5.5
網址：http://www.transportation.hk/ct/route/pengchau.html
沒有留言:
張貼留言