深圳宿一宵 豪住兩房複式公寓

 下層的大廳有梳化椅，電視機和煮食爐具。露台仲有洗衣機！

左面的就係上上落落的樓梯。

 呢條樓梯要上上落落，其實唔簡單。

 呢間較細間的房間，有king size的床和電視機，浴室在門外面。

 呢間係連浴室和儲物櫃的超級大房，等同一間酒店雙人房。

 儲物櫃大到可以放落一張單人床，真係超大。

 大房的浴室的右面是浴缸，左面是企缸。

 酒店大堂較老式，黑黑沉沉。

　葵花酒店公寓屬於service apartment。

多得老友有花紅，請我免費返深圳宿一宵。今次的酒店係位於購物公園站的葵花酒店公寓，2009年落成。

由C出口步出，從民田路直走到尾，過隧道即到，約十零分鐘腳程，可以接受啦！令人最驚喜的是，打開房門，房間唔單止係複式，仲要係上下兩層，下層有個三、四百呎的大廳，除梳化椅和電視機外，仲有齊煮食用具同爐具。

上層係兩間超大的睡房，各有一張King size床，其中一間仲係連浴室（包企缸和浴缸同坐廁）的套房，尺寸絕對等於一間酒店的雙人房。另一間則只係細少少，同樣有電視機等基本設施，浴室（只有企缸和坐廁）在外面。換句話說，我同朋友可以完全各自為政，唔使用二手廁所。事實上，呢間複式套房係俾四人入住，我地就兩個玩晒咁大間房，真係覺得自己好奢華！亦係我咁大個女，第一次住咁大間酒店房間。

唯一有少少吃力的是要上上落落，煲水沖茶都要落下層，若唔記得拎野，就要行多幾次，有少少麻煩。

葵花酒店公寓(Sun Flower Hotel and Residence)
地址：深圳市福田區石廈北一街104-2號
（由購物公園站C出口從民田路直走，約十至十五分鐘內即到。）
 

深圳宿一宵（二）：金中環酒店公寓會展中心站直達超方便

最初見到只有一張雙人床,以為酒店搞錯，點知牆後仲有一間小房，放左另一張床。

小房間的床亦都足四呎闊。

小房間對正中心城的喜來登酒店。

 我睡的大床係Queen Size勁正~

浴室用品齊備，不過只有企缸。

酒店大堂設在六樓好有氣派。

食完午餐，直達上六樓 的深圳金中環酒店公寓check in。酒店大堂樓底極高，都幾有氣派。至於房間，則位於上一層的6B樓層。

打開房門，只見一張雙人床，以為酒店搞錯左（因我地訂的是兩張單人床的Business Suite Twin！），後尾發現在房間後面再有一間小房，內有另一張床，而且向著對面的喜來登酒店，景觀都唔錯！呢個房中房的設計，都幾有趣！而且兩張床的尺碼都好大，我睡的大床直頭係Queen Size，而被鋪亦算乾淨整潔，不錯。

浴室基本設備齊全（沐浴露、洗頭水、梳子、牙膏、牙刷通通有齊，當然只係普通貨色！），不過只有企缸而無浴缸，對我地來說，都無乜所謂，反正就算有浴缸都唔會浸浴。電視有四五十個台選擇，唔驚會悶親。

唯一最大的缺點係房間的冷氣居然係恒溫無得控制，夜間時室溫達到25.5度，早上更上升至26.5度，搞到半夜訓得熱醒，就算點樣調校，溫度都係咁高，實在太奇怪！唔通呢間環保酒店，真係咁環保？！

不過，酒店宿一宵的價錢只係480港元（已連稅），而且會展中心站可以直達，好方便和安全，實在好抵住！

 深圳金中環酒店公寓

地址：深圳市福田區金田路3037號金中環商務大廈6樓得會展中心站E出口直達）
訂房熱線：(86 755) 2399 3299
網址：www.jzh-hotel.com/index.aspx