奧匈雙城遊（十）：Hotel Graf Stadion靜中帶旺，早餐美味

*Hotel Graf Stadion位於Rathaus站附近，靜中帶旺，交通方便。

*酒店俾左間超大的房間我地，一邊放左兩張單人床和梳化。

*靠窗位置還有一張梳化床和梳妝枱以及電視機枱。

*浴宝有風筒、洗手液和沐浴液。

*升降機內竟然有梳化椅，實在令人好驚喜。不過空間好細，只可以載3個人。

*酒店免費供應早餐自助餐。

*種類唔算多但好足夠，味道又好味。

*早餐難得有水果，當然要食番一兩個啦。

我們入住的Hotel Graf Stadion位於維也納的內城區外圍，在紫色U2線的Rathaus站附近，步行3分鐘便到達地鐵站或2號電車站，5分鐘腳程便到達百年歷史的市政廳，若要前往內城區的各個景點都只係20分鐘內的腳程，絕對靜中帶旺，方便就腳。

中午12點到達，酒店服務員除可以提早check in（原定時間為下午2點）外，仲安排左全層最大的房間給我地。搭上有典雅梳化椅的有趣升降機到達一樓後，開門見到寬敞又雅致的大房間，非常驚喜。房間大約有300多平方呎，放落兩張單人床後，還有梳化床、大型梳化、化妝枱、小茶几和枱椅、衣櫃等，熱水壺和風筒之外，亦提供洗手液和沐浴液，唯一缺點就係無空調，最初幾天氣溫高達28至29度時，略嫌焗熱，需要打開窗通通氣，最後幾天氣溫驟降得僅幾度時，不用開窗都覺得舒服。

早餐方面，最初以為是簡單的歐陸早餐，後來發現是自助餐，雖然種類不及大型酒店，但基本種類充足，包括麵包、穀麥、芝士、火腿、炒蛋、腸仔、沙律、水果、果汁、乳酪、咖茶等等，以維也納呢個高消費的城市，一個麵包閒閒地2歐元，可以食到如此豐盛的免費早餐，實在喜出望外。

Hotel Graf Stadion

地址：Buchfeldg. 5, 1080 Wien

電話：+43 1 4055248

前往方法：搭地鐵紫色U2線的Rathaus站下車，步行約3分鐘。