深圳花墟變身荷蘭花卉小鎮

＊荷蘭花卉小鎮入口

＊小鎮內的兩旁有唔少店舖。街道好寬闊。

＊有咖啡小店可供遊人坐低休息。

＊鬱金香街係入口的主街。

＊街上坐左幾隻七彩牛。

＊售賣花卉的店舖跟香港花墟差不多，價錢都便宜。

＊木屐係荷蘭小鎮特色裝飾品之一。

跟老友又北上尋歡玩樂，今次唔次再去後海站，改去大新站的荷蘭花卉小鎮。

荷蘭花卉小鎮的前身是南山花卉世界，在深南大道邊上，中山公園的對面，免費進園。小鎮入口有木屐、鬱金香及風車等裝飾品，令人聯想到荷蘭，亦都係最多人必影的取景地。由於平日時段，人流唔多，可以慢慢擺甫士影個夠。

進入小鎮後的街道名為鬱金香街，街道兩旁有不少店舖，主要售賣鮮花，品種雖然不多，但是勝在價錢便宜，跟香港花墟的售價差不多，街道寬闊，邊睇邊行都好舒服。除花店外，仲有雪糕甜品店和咖啡小店，坐低休息也不錯。行到中段位置的出口右邊，見到一大片草地，草地遠處又有一座白色風車，唔少人就坐在草地上曬太陽，感覺好寫意。

雖然整個小鎮唔算大，但好整潔，又唔多人，逛逛都值得。行完小鎮，大可過埋對面的中山公園

，佔地達四十九萬平方米，是深圳最歷史悠久的公園。不過，由於天氣太熱，我地決定離開大新站，坐地鐵往大劇院站Lady 7 Cafe嘆精緻下午茶。

荷蘭花卉小鎮

地址：深圳市南山區南頭月亮灣大道3008號

費用：免費

前往方法：乘搭羅寶線在大新站下車，B出口沿著前海路一直走，大約十幾分鐘即到。