勇闖屯門大峽谷

＊有屯門大峽谷之稱的菠蘿山。

＊由良景邨上山，不斷上山又上山。

＊大部分上山路段無樹蔭，陽光猛烈之下都好吃力。

＊上到山上，風化情況開始嚴重，極多碎石。

＊光禿禿的山頭，烈日當空，少點體力都唔得掂。

＊由上向下望，峽谷非常深遠。

＊唔小心跌落去，真係唔講得笑。

星期六，趁秋高氣爽郊遊去，今次目的地是有屯門大峽谷之稱的－－菠蘿山。菠蘿山的入口正正在屯門良景邨後，保良局黃錦全小學附近，非常易搵。頭段以斜路為主，不斷上山又上山，而且空曠地方頗多，行左一小段路已經汗流浹背，幸好愈上風愈大，感覺舒服唔少，行左大半小時左右，見到「此路危險，不得擅進」的警告牌，就係屯門大峽谷所在的位置。其實，此處風化非常嚴重，部分路段又窄又多碎石，要好小心行走，否則滑倒就危險，下雨過後就更加唔適宜前往。

不過，四周唔少人為影最好角度，經常站到尖角位處影靚相，我都替佢地擔心。部分後生靚女更加著上sport bra搶鏡，為出位都博得好盡。我們四人行只簡簡單單在旁邊最安全的位置影幾張合照就算，當到此一遊。有些人影完大峽谷，會選擇到下白泥睇日落；不過，有朋友話去到白泥，等小巴人龍極長，加上之前已去過白泥，所以就原路折返，到良景邨下午茶去。

前後來回合共兩小時左右，難度適中，不過風化情況實在幾嚴重，我就未必再去啦！

屯門大峽谷

前往方法：

坐在葵芳58M巴士總站下車；在市中心或西鐵屯門站搭507號輕鐵於良景站下車，由保良局黃錦全小學附近上山，大約大半小時便可以到達菠蘿山的風化峽谷。