淡季新加坡遊（三）：小印度邊遊邊購物

＊小印度站一出就見到竹腳中心，右面前行二百米左右便是the Verge購物商場。

＊上午九點幾，竹腳中心的營業食肆唔算好多，我地揀左人氣最高的黃埔蝦麵。

＊蝦麵3元，熱咖啡0.9元，簡單而美味的早餐。

＊竹腳中心旁有好多蔬果攤檔。

＊The Verge購物商場外觀。

＊Little India Arcade同樣是購物地點，售賣的主要是印度特產、紀念品同衣物。

＊印度廟

＊錫克廟。

＊見錫克廟後，轉右，就係慕達發購物中心（Mustafa）。

第二日上午，直接坐地鐵到小印度站，一出站就係竹腳中心。竹腳中心其實係熟食中心兼蔬果市場。我地先在此嘆個地道早餐──福建蝦麵（新幣3元）配熱咖啡（新幣0.9元），簡單美味。竹腳中心亦是蔬果市場，內有好多攤檔售賣時令水果，價錢相宜。

食完早餐，我地向著實龍崗路（Serangoon Road）方向前行，街頭係The Verge購物商場（回程時會在商場地庫的昇菘昇菘超市掃貨），然後沿著Serangoon Road一直走，兩旁好多商店，而且色彩繽紛，經過小印度拱廊（Little Indai Arcade）（又係購物熱點，出售的多是印度土特產、衣物、紋身顏料）、印度廟、中央錫克廟，最後到達我地其中一個地點──慕達發購物中心（Mustafa）。慕達發其實類似家樂福，不過係再平民化一些，面積非常大，但我覺得物品較舊，亦無我地想買的部分貨品，價錢合理，但唔算極平，我地買左OWL拉茶、斧標藥油。

跟著原路折返到The Verge購物商場，前往B1樓層的昇菘超市，燈光通明得多，感覺似香港的超市，而且都有唔少特價貨品，朋友買左一箱合味道的叻沙杯麵，一個特價只係新幣1.2元（在便利店則賣新幣2元多），足足平左差不多一半價錢。

最後再返回竹腳中心買水果，原價十元三個的泰國蜜糖芒果，檔主無啦啦自動俾多兩個，即每個只係港幣11元左右，超級大個，而且好甜。

遊左半日，感覺小印度呢區幾舒服，完全唔雜亂，治安也不錯，絕對值得去。

前往方法：

地鐵小印度站一出，即見竹腳中心，向前行200米過馬路便是The Verge購物商場（昇菘超市在地庫樓層），毗鄰的馬路就係實龍崗路（Serangoon Road）。