星期三，門票半價，只需十蚊就可以入場睇宮崎駿手稿！
門外的李小龍像。
門外的另一個大擺設，吸引唔少人留影。
地下展館內的龍貓，係大家瞓身必影的背景。
地下展館的牆上電影海報之一：崖上的波兒。
注意：只有呢個展館可以拍照，樓上各個展館都只能眼看不能影。記得要守規矩。
一牆都係煤炭屎鬼
睇見呢張海報，一定知係宮崎駿手筆。
其中最愛的動畫，必定係龍貓！
牆上有大大個的李小龍，充滿英氣，的確好迷人！
李小龍的展覽，同樣唔可以拍照。
只可以在館外影番張留念，裡面係青蜂俠同埋手辦模型。
趁有時間，今日相約老友到沙田香港文化博物館睇《吉卜力工作室場面設計手稿展》。
朝早十點半，由於天雨關係，入場人士唔算好多，無人排隊咁滯（後尾走時，發現門外已出現長長人龍），真係好彩。我地先參觀地下的展館－－龍貓槳園與波兒海灘，見到有大大隻龍貓攤係度，我地也跟著童心大發，除鞋同龍貓合照，又跟牆上的波兒影相，然後先慢慢欣賞牆上的電影海報。
跟著上二樓，參觀宮崎駿同佢的合作團隊的手稿，經典作品包括《千與千尋》、《龍貓》、《風之谷》、《天空之城》、《歲月的童話》、《哈爾移動城堡》等，最難得有我童年回憶的《飄零燕》！睇完數以百計的手稿之外，展館外仲有煤炭屎鬼工作坊，大家可以用黑筆在貼紙上描繪自己心目中的煤炭屎鬼，然後貼在牆上。我都唔執輸，畫左隻黑麻麻無眼煤炭屎鬼！
十二點幾，就係地下旁的小餐廳醫肚，我叫的茄汁吉列豬扒飯配凍檸茶（41元），價錢唔貴，但豬扒極鞋，吉列外皮唔係即炸，咬一口即皮肉分離，加上唔配日式咖喱汁改配茄汁，亦不倫不類。朋友的薯餅飯，又係炸，份量大，水準亦一般。
食完飯，順便去埋探李小龍。由於今日係星期三，呢個展館免費，裡面依據李小龍不同電影而分不同展區，如《唐山大兄》、《龍爭虎鬥》等，展出好多珍藏相片、劇照、服裝、雜誌封面，以至手辦模型，李小龍迷絕對唔可以錯過！
半天的時間，難得可以一次過睇到呢兩個精彩展覽，而且只係十蚊，實在好超值！
《吉卜力工作室場面設計手稿展》
展出日期：即日至8月31日
地址：沙田文林路一號香港文化博物館
朝早十點半，由於天雨關係，入場人士唔算好多，無人排隊咁滯（後尾走時，發現門外已出現長長人龍），真係好彩。我地先參觀地下的展館－－龍貓槳園與波兒海灘，見到有大大隻龍貓攤係度，我地也跟著童心大發，除鞋同龍貓合照，又跟牆上的波兒影相，然後先慢慢欣賞牆上的電影海報。
跟著上二樓，參觀宮崎駿同佢的合作團隊的手稿，經典作品包括《千與千尋》、《龍貓》、《風之谷》、《天空之城》、《歲月的童話》、《哈爾移動城堡》等，最難得有我童年回憶的《飄零燕》！睇完數以百計的手稿之外，展館外仲有煤炭屎鬼工作坊，大家可以用黑筆在貼紙上描繪自己心目中的煤炭屎鬼，然後貼在牆上。我都唔執輸，畫左隻黑麻麻無眼煤炭屎鬼！
十二點幾，就係地下旁的小餐廳醫肚，我叫的茄汁吉列豬扒飯配凍檸茶（41元），價錢唔貴，但豬扒極鞋，吉列外皮唔係即炸，咬一口即皮肉分離，加上唔配日式咖喱汁改配茄汁，亦不倫不類。朋友的薯餅飯，又係炸，份量大，水準亦一般。
食完飯，順便去埋探李小龍。由於今日係星期三，呢個展館免費，裡面依據李小龍不同電影而分不同展區，如《唐山大兄》、《龍爭虎鬥》等，展出好多珍藏相片、劇照、服裝、雜誌封面，以至手辦模型，李小龍迷絕對唔可以錯過！
半天的時間，難得可以一次過睇到呢兩個精彩展覽，而且只係十蚊，實在好超值！
《吉卜力工作室場面設計手稿展》
展出日期：即日至8月31日
地址：沙田文林路一號香港文化博物館
沒有留言:
張貼留言