＊千辛萬苦先搵到天際100的入口。
＊上到100樓，先經過香港故事立體電影館，
用幾分鐘的立體電影認識香港歷史。
＊星期五的下午，遊人好少，顯得觀景台極閣落，
行得好輕鬆，影相更無難度。
＊天色唔係幾好，但都可以清楚睇到對面港島區。
＊呢張係其中一張3D畫，幾得意。
＊100樓直望而下的九龍半島，好多地盤正在施工中。
早排玩網上遊戲，贏左兩張天際100（Sky 100）觀景台的門票，尋日趁閒日無咁多人，相約老友齊齊去睇睇呢個香港最高的室內觀景台！
天際100坐落在全港最高大廈環球貿易廣場100樓，可以從圓方商場直達。我地出左九龍站往圓方方向四處搵，實在搞唔清圓方的金木水火土各區，於是盲中中問左好多個保安先搵到佢個入口。用門票入閘後，我地即時登上只需1分鐘便可以由2樓直達到100樓的Lift，果然好快，不過就有少少耳鳴！
上到100樓，先睇左首度登場的香港故事立體電影館，用幾分鐘的立體電影認識香港歷史，然後正式進入觀景台。哇，360度的觀景台真係好開闊寬敞，加上閒日的下午時分，入場參觀的人極少，可以任睇任影都唔驚背景有人。慢慢行一圈，從各個不同角度睇香港各區全景，好寫意。
最令我地開心的係天際3D暑期樂園，呢個以香港著名景點及特色作主題的「玩轉香港3D畫展」，雖然只係得三張3D大畫俾遊客拍攝，但拍出來的效果極有趣，我地兩個大唔透不斷係咁扮甫士影影影，真係好過癮！
沒有留言:
張貼留言