＊酒店距離sky train站只有八分鐘，行去Chit Lom站亦只需十分鐘左右，都算方便。
＊房間唔太大，令人有少少失望。
＊點解得一支牙刷呀！！！
＊食早餐的餐廳服務幾好，居然有人埋來俾Ｄ甜品我地試味，之後再問我地感想。
＊早餐選擇好多，不過都唔可以食太多。
早前見曼谷套票好鬼平，於是拿拿臨約隻旅行腳玩番三日兩夜。點知到埗當晚（７月２５日），居然Big C的巴士站發生爆炸，好在有驚無險，開開心心度過呢個短短的假期。
酒店方面，其實好多選擇，我見呢間Hotel Plaza Athenee係Le Meridien集團，質素應該有晒咁上下，又睇討論區話吳君如同蘇玉華都住過，加上價錢好便宜（三日兩夜連機票只係2,080蚊），於是就揀左佢。
可能最初期望太大，覺得間酒店除左有鬼佬直接陪我地上樓外，其實都無乜特別，酒店房唔大，浴室的配件仲少得可憐（牙刷只有一支，好在我有帶私家牙刷！），洗頭水同沐浴液都好平實。
原本check in 當日想試佢地的周日早午香檳自助餐，可惜要港幣七百幾蚊，唔太划算，所以都係出街搵食好過。
沒有留言:
張貼留言