*Design Bar午市套餐（三個菜式：湯、沙律、主菜，只係450盧布，才港幣58元）：士多啤梨沙律的賣相和味道極佳。
*Design Bar午市套餐的青豆湯。
*Design Bar午市套餐的泰式雞飯。
*Design Bar的大蝦意大利飯，蝦肉鮮味又煙韌，好味。
*Design Bar的雪糕蘋果批。
*Design Bar的意式雲吞。
*Design Bar的凍咖啡內含原咖啡的冰粒。
Design Bar午市套餐好精緻
Design Bar在tripadvisor網站790家伊市餐廳中排名第 1，所以臨離開伊市前，我地特登坐的士到DesignBar食個靚午餐。餐廳在設計家居廣場的2樓，我地早在12點開門前已到達，行左陣商場店舖後便入座。餐廳其實係酒吧餐廳，座位唔多，布置幾特別。主菜大約500盧布，我食大蝦意大利飯，蝦夠大隻又鮮味，意大利飯亦正宗。有朋友叫的午市套餐就最抵（才450盧布），有三道菜的賣相精緻又美味，其中的士多啤梨沙律最吸睛，酸酸甜甜好開胃，青豆湯亦濃郁，主菜係泰式雞肉飯，以港幣58元的價錢來計，值回票價有突。另外，我地又叫埋雪糕和蘋果批做飯後甜品，心滿意足才離開。
Design Bar
地址：Karla Marksa St., 40 | 2nd Floor, Irkutsk 664007, Russia
電話：+7 395 240-33-99
*Prego餐廳環境高雅又舒適。
*Prego的菜式分量唔太多，但味道非常好。
*Prego呢款名為「夏天快到了」的水果茶，有芒果、熱情果、橙等，非常濃郁好飲。
來過呢間餐廳兩次，兩次都有飲呢款水果茶。
*Prego：各款菜式通通好滋味。
* Prego的春雞。
*Prego的寬條麵。
Prego Italian Restaurant美味又抵食意國菜
我個人就最回味Prego Italian Restaurant的晚餐。餐廳分戶外和室內兩部分，室內環境雅致，座位之間有一定距離，牆上放滿各類洋酒，晚飯中段更有真人現場演奏，感覺幾高級，侍應送來全中文餐牌，見到似是疑非的菜名，幾令人發笑。我地前後叫左七個菜式，有沙律、薄餅、意粉、寬條麵、意大利飯、春雞等，每碟份量唔算多，但精緻可口，其中的的飲品「夏天快到了」的水果茶，有芒果、熱情果、橙等，非常濃郁好飲，比香港和台灣水果茶都香濃。埋單合共4,230盧布，折合才港幣540元，平均每人才135元，抵到極。
Prego Italian Restaurant
地址：Karla Marksa St., 15A, Irkutsk 664003, Russia
電話：+7 395 297-97-57
*Rassolnik餐廳布置好懷舊。
*Rassolnik的蘑菇湯。
*Rassolnik的羅宋湯。
*Rassolnik的魚湯。
*Rassolnik的烤豬扒。
**Rassolnik的牛扒。
*Rassolnik的豬肋骨。
*Rassolnik的燒牛舌。
*Rassolnik的蘇聯經典汽水，大大個壓縮保冷瓶要按著才會噴射出汽水來，
一瓶1公升夠晒兩個人飲。
Rassolnik懷舊環境比食物更吸引
Pассольник（即Rassolnik）在tripadvisor網站790家伊市餐廳中排名第5，就在130區旁，走落地庫時，已覺餐廳布置好花心思。待到餐廳，牆上掛滿了老舊的眼鏡，照相機，打字機，錄音帶，就連電視機也充滿懷舊Feel，播放著的正是黑白電影呢!大家各自叫心水食物，湯類分別叫左蘑菇湯、魚湯、羅宋湯，主菜就係牛舌、烤豬扒、燒肉排和牛扒，其中我的蘑菇湯尚算香濃，而豬扒味道普通，肉質偏鞋；朋友反映牛扒和牛舌都一般，燒肉排則是唯一讚好的食物。最特別的係蘇聯經典汽水，大大個壓縮保冷瓶要按著才會噴射出汽水來，一瓶1公升夠晒兩個人飲。整體來講，環境比食物吸引，試一次就夠皮。
Pассольник（即Rassolnik）餐廳
地址：3 Iyulya St., 3 | 130 Kvartal, Irkutsk 664022, Russia（就在130區旁）
電話：+7 395 250-61-80
沒有留言:
張貼留言