墨爾本自由行（十二）：St. Kilda Beach觀日落睇企鵝

＊下午5點，已經差不多入黑。

＊經過長堤，繼續向前走。

＊見到呢個閘位同告示牌，知道目的地已到。

＊防波堤已有唔少人等緊小企鵝回來。

＊防波堤對出的一景，賞日落一流。

＊可惜手機zoom唔得遠，水中心見到好多隻小企鵝漂浮！

＊居然有兩隻小企鵝走出石罅俾我地任影。

＊趁住別人的閃燈亮著，俾我影到一張清晰的企鵝真身留念。

幸好佢地無受驚嚇，繼續在我地面前表現。

去完彩虹小屋（Bathing Boxes），返回墨爾本的Flinders Street Station。跟著在火車站外的電車月台，再坐16號電車到St. Kilda Beach搵企鵝。

我地跟網友的網誌建議在St Kilda Rd（stop 34），點知超級遠，走到死死下之餘，仲要不停問路。後尾發覺，其實最近係在Lunu Park（stop138）落車，一來可以順便去呢個小型主題公園打發下時間，等日落先慢慢過海灘都唔遲！

結果我地走左好多冤枉路，行過長長海灘，食住西北風先見到長堤（St. Kilda Pier），再沿住防波堤直走到盡頭，就會看到告示牌寫著「Penguins & Rakali live here」，終於到達目的地！五點多，一大班人已經聚集在此等企鵝。其實，前一日的一日遊我地已經見過百幾二百隻神仙企鵝回巢的有趣場面，只不過當時就算唔用閃燈都唔可以拍照。呢度就無人管，但小企鵝難得見到一隻，都只隱身在石縫之間，黑麻麻，睇得唔夠清楚。不過，等多一陣，居然有一對企鵝走左出來，好似特登表現俾我地咁，任我地影，結果有唔少人照用閃燈，幸好無嚇親佢地，我無用閃燈，只係趁著其他人閃燈亮起時順勢拍幾張留念。任務完成，就急急腳離開，畢竟大風又凍，人又多，不宜久留。

St. Kilda Beach

前往方法：從墨爾本市中心搭16 號電車，在Lunu Park（stop138）下車，約20至25分鐘可以到，St. Kilda位於Zone 1，所以Zone 1一日券或周票都可以使用。提提，進 Luna park不用門票，要玩遊樂設施才需要消費。