釜山首爾追櫻記（廿一）：沒有櫻花的慶大同樣值得一遊

＊慶熙大學的大門口旁邊呢棵唔係櫻花，而係白玉蘭。

＊在回基站的慶大出口，即見呢架 1 號巴士，好多大學生已經排住隊上車！

用 T Money 拍卡可以免費一程。

＊Main building好宏偉。

＊Main Building前面的水池，好似歐陸公園。

＊又一座充滿古典歐洲式的建築，好似係中央圖書館。

＊另一座大樓外牆。牆上的巨畫充分表現出大學生的拚勁。

＊好似一頂皇冠的大樓，其實係College of Music。

第五日，開始首爾追櫻活動，第一個景點係慶熙大學。

我地坐地鐵到回基站下車，一出地鐵即登上1號穿梭巴（用 T Money 拍卡去程免費，回程都只係1,050韓圜），幾分鐘在總站下車。

慶熙大學（韓文:경희대학교），創立於1949 年，是韓國知名的私立高等學府。校園好大，而且有好多宏偉古典的建築大樓，好似置身在歐洲大學校園之內，好有歐陸情懷；聽說當櫻花盛開時，門口那條路會變成一條櫻花大道，可惜我地去到櫻花仍未盛開，只有幾棵白玉蘭做陪襯，先至顯得無咁蒼涼。其實，就算無花，只係在校園內行行逛逛，影相留念，都值得一遊。

順帶一提，上網睇過網友提供的資料，原來慶大出好多明星，好似Rain、尹恩惠、Super Junior 曹圭賢、Big Bang G-Dragon & 大聲、東方神起昌珉 & 有天、Kara 勝妍 、FTIsland 洪基、2AM 趙權等（其中我最熟的只有Rain同埋尹恩惠！）。

回程再坐巴士回地鐵站，然後再附近嘆杯咖啡和芝士餅，順便逛逛街，因為慶大和梨大一樣，附近周邊都有唔少咖啡店和購物小店。

之後再遊另一個賞櫻勝地－－汝矣島，同樣失望而回，真係不提也吧！（不過，唔明點解當地電視報道話首爾櫻花已盛開，仲話好多遊人去賞櫻，真係唔知邊度來呢？！）

慶熙大學（韓文：경희대학교）

前往方法：

坐地鐵到回基站，出地鐵即登上1 號穿梭巴（用 T Money 拍卡去程免費，回程都只係1,050 韓圜），幾分鐘在總站下車。

備註：回程不妨在慶大附近閒逛一下，購物之庩，兼且順便嘆杯咖啡。