台中清境遊（十三）：夜遊宮原眼科齋睇無幫襯

＊夜遊宮原眼科。

＊宮原眼科的日出伴手禮，包裝真係好精緻，設計光如書籍的茶食禮盒。

＊季節蜂蜜禮盒。

＊唔買伴手禮，齋睇宮原眼科的設計也值得到此一遊。

＊朱古力亦係熱門伴手禮之選。

＊唔買伴手禮，亦可以買雪糕慢慢嘆。

＊巧立名目的雪糕名字，你估到係咩口味嗎？

稍事休息之後，出動逛逛鄰近火車站的著名景點－－宮原眼科。建造於 1927 年的宮原眼科原本由日本眼科博士宮原武熊興建，是日治時代台中規模最大的眼科診所，後來俾台中以土鳳梨酥一戰成名的「日出」蛋糕團隊買下來，成為買伴手禮同雪糕的必到景點。

復古包裝的糕點和朱古力最受大家歡迎，而呢度的招牌雪糕同樣深得人心，多種口味都係獨家特製配方，雪糕口味的名稱亦別具心思，好似「明天會更好」、「跟往事乾杯」、「月朦朧鳥朦朧」、「半夢半醒之間」，究竟味道如何？真係估佢唔到呀！雪糕旁的配料同樣令人驚喜，整塊的土鳳梨酥、乳酪蛋糕、杏仁雪球等等，睇到流口水。

可惜，未到肚餓時，純粹拍照留念，齋睇無幫襯！

宮原眼科
地址：台灣台中市中區中山路20號
電話：+886 4 2227 1927
網址：www.miyahara.com.tw/