龍鳳冰室試一次已夠皮！

冰室設計懷舊，燈火通明。

食品選擇好多。

粟米肉燥炒蛋雞肉串飯，好似好大堆頭，但只有雞肉串最嫩滑。

豬扒湯意粉太清。

遊完山頂，坐巴士返落山，在灣仔附近下車。臨近七點，居然俾我地發現龍鳳冰室的下午茶供應到七點！既然仲有時間，而且裡面大把位，決定去試試。

我地點左一個下午茶同一個飯餐，可惜水準實在麻麻地：

豬扒湯意粉（下午茶餐）：豬扒少少鞋，湯底略嫌太清，幸好意粉煙韌。

粟米肉燥炒蛋雞肉串飯（飯餐）：呢個飯個名令人誤會有好多材料，但其實只係雞肉最嫩滑，炒蛋炒得太老，肉燥同汁又太少，而白飯又太多，結果剩番太多飯。

凍飲用紙杯：我見呢度話奶茶出名，於是叫凍奶茶，點知送上來的凍奶茶係用紙杯裝住，再放眼望其他枱，同樣係用紙杯裝凍飲，搞咩呀？一間餐廳居然堂食的飲品用紙杯，實在打晒拆扣，飲落亦略嫌太甜，唔覺太滑。

最慘係冰室出面就係垃圾培，每當門一打開，陣陣垃圾臭味撲面而來，令人倒胃口。

不過，值得一讚的是環境燈火通明，打掃得幾企理，廁所尤其乾淨！

埋單合共95元，唔貴，但水準實在太普通，試過一次後，下次不會再幫襯了。


龍鳳冰室
地址：灣仔春園街16號地舖 

電話：2618 8088