呢一邊天朗氣清，藍天澄明。
另 一邊煙霞蔽天，霧鎖青馬大橋！
青衣公園池塘水淙淙，蓮花待放。
事隔一個月，呢幾棵樹的黃葉將盡，遊人已移情別影，向花叢取景！
半日食兩餐下午茶，吹水到日落才踏上歸途！
新正頭又郊遊，今次係馬年郊遊第二擊，同樣由我帶隊，相約識左十幾廿年的老友，一行六人，下午一點約在青華苑巴士站出發，由青衣徑落長亨村和長發村，經青衣海濱長廊和青衣公園，再折返長發村，兩三個鐘頭內食左兩餐下午茶（一餐在長亨村，一餐在長發村，都係幫襯茶記），五點幾先迎著日落歸家去，非常盡興！
送蛇迎馬，一周之內三次郊遊（坪洲、香港奧運徑和青衣），出盡一身臭汗，精神爽利，為馬年儲足能量，迎接新挑戰！！
青衣半天邊吃邊遊郊遊路線：
青衣徑＞長亨村（下午茶）＞長發村＞青衣海濱長廊＞青衣城＞青衣公園＞長發村（第二餐下午茶）
沒有留言:
張貼留言