首爾冬遊記（六）：仁寺洞街頭食古怪雪糕凍入心

 ＊抬頭一望，終於搵到仁寺洞旅遊中心啦！

（中心下午六點關門，要買票就要預早少少啦！）

＊仁寺洞好多工藝品和民族服店舖，但價錢唔便宜。

＊攤檔售賣不同特色的工藝品。

＊街頭賣唱。

 ＊呢個小食檔好特別，原來係買雪糕的。見好多人排隊，我地就試埋一份。

＊哥哥仔將雪糕啤入扭扭條內，令到整條扭扭條充滿雪糕。

食落真係凍入心腩，畢竟首爾街頭只有幾度！

由於要預訂《冬季戀歌》拍攝場地－－南怡島的直通巴士，所以下午去仁寺洞逛遊，希望可以在兩天後（即周一）出發，追蹤《冬季戀歌》的俊相和有珍的足跡啦。

直通巴士每日只有一班，每朝九點半由仁寺洞塔谷公園旁開出，車程大約1小時20分左右，便可以到達加平渡頭，而且唔使再買船票，方便過搭地鐵轉火車再坐的士。回程則是四點鐘，返到塔谷公園大約五點半左右。

位於仁寺洞十字路口旁的南怡島旅遊中心，在National Souvenir Center的二樓，可以預售來回車票和入場票連船票，合共23,000韓元，方便快捷。

買票後，便開始閒逛仁寺洞。周末的仁寺洞非常熱鬧，除各式工藝品店、古董店、化妝店外，仲有好多路邊攤擋，賣衫賣擺設賣小吃等一應俱全。不過，我大對工藝美術品沒有多大興趣，反而食一條扭扭雪糕條，凍到入心肺！

仁寺洞前往方法：
可在安國站或鍾路3街站出均可。