台中清境遊（六）：風車滿園的小瑞士花園

＊遊玩青青草原，進入觀山牧區，再按指示向步道前往小瑞士花園。

＊在觀山牧區內有個七彩繽紛的大風車。

＊步道兩旁種滿樹木，行得好舒服。

＊較為吃力的是呢條487級棧道，唔想第二日小腿酸軟，都係慢慢行為上。

＊終於到達小瑞士花園。

＊七彩繽紛的風車，隨風轉動。

＊湖中有一座風車，在鮮花映襯下，景致格外優美。

＊小瑞士花園外面有貓行館，愛貓之人可以看看。

＊紙箱王郵局，幫你寄信俾知己良朋。

離開法國小鎮，繼續沿步道向下行，其中要直落 487 級棧道，行完都有少少腳仔軟。

由於小瑞士花園的水舞秀維修暫停，所以售票員問我地是否介意，而門票則減價至 60 台幣。一場來到，當然照舊入場，而且水舞秀不過係噴水 Show，看不看都沒有所謂啦～

坦白講，整個花園都好人工化，除左有一個不大不小的人工湖之外，四周放滿大大小小風車，起風時，數以百個唔同顏色的風車轉呀轉，煞是壯觀！不過，9月似乎唔係花開的季節，見唔到百花盛開的風景，步行往溫室，可惜又有維修工程進行，有點掃興。

遊完小瑞士花園，見到7-11便利店做緊中秋軟雪糕買一送一優惠，當然唔錯過。兩杯北海道哈密瓜軟雪糕，只係 45 台幣（折合12港幣），抵！

清境小瑞士花園
地址：台灣南投縣仁愛鄉定遠新村28號
門票：60 台幤（水舞秀暫停，門票減價）