前日嘉道理郊遊見到小青蛇，今日撞到呢隻小動物，唔知係草龍定變色龍呢？！
侯王廟。
沿路見到好多行山友，有大有細。
遠眺機場。
除左海景外，仲有綠油油靚景任你睇。
清溪配落花，意境好美！
穿過呢條小徑，就係大澳外圍了。
大澳特色棚屋。
大澳貓舍外的可愛貓公仔。
復活節郊遊第二擊，行程係由東涌前往大澳。作為東涌友，呢條路久唔久都會翻炒，因為難度唔高，但全程足足四個鐘，趁天氣未完全轉熱前，決定相約老友狠狠行一次。
今日雖然無風，濕度又高，但天色暗暗地，都算係郊遊的好日子。所以，我地十點幾由東涌出發，沿途人來人往，有大有細，有中有西，非常熱鬧。
先經過侯王廟，遠眺機場景，再去䃟石灣，指示清晰，大部分都係沿海而行，又係石屎路，雖然有斜路和石級，但唔太難行。
行到大半段路時，仲有三間士多可以補給糧水甚至吃個午飯，我地就幫襯左汽水（$7）、清水（$7）同綠豆沙（$13），價錢算公道，綠豆沙尤其足料，值得推介。
小休過後，再繼續穿過樹叢竹林，然後再沿海經泥路行多一個小時，即見大澳外圍的紅樹林和棚屋。經過新基大橋，終於完成四小時郊遊樂。
入到大澳市中心，哇，遊人絡繹不絕，仲旺過旺角，原以為兩點半後，食店應該唔多人，點知間間爆滿。最後去左間叫老友記的茶餐廳，每人食左碟超足料又惹味的大澳蝦醬海鮮炒飯（$40），再加凍飲（$14），54大元下午茶當午飯兼晚飯，完全抵食！
食飽後，行多一陣，但實在太多人，決定打道回府。點知巴士總站的人龍長到打蛇餅，好在巴士密密開，等左五六班車都只係17分鐘，即可執死雞上到車。相信愈夜人龍愈長，真係走得快好世界！
五點正返到東涌港鐵站，落車時發覺雙腳累到無命！今次復活節郊遊樂，真係夠晒盡興！
今日雖然無風，濕度又高，但天色暗暗地，都算係郊遊的好日子。所以，我地十點幾由東涌出發，沿途人來人往，有大有細，有中有西，非常熱鬧。
先經過侯王廟，遠眺機場景，再去䃟石灣，指示清晰，大部分都係沿海而行，又係石屎路，雖然有斜路和石級，但唔太難行。
行到大半段路時，仲有三間士多可以補給糧水甚至吃個午飯，我地就幫襯左汽水（$7）、清水（$7）同綠豆沙（$13），價錢算公道，綠豆沙尤其足料，值得推介。
小休過後，再繼續穿過樹叢竹林，然後再沿海經泥路行多一個小時，即見大澳外圍的紅樹林和棚屋。經過新基大橋，終於完成四小時郊遊樂。
入到大澳市中心，哇，遊人絡繹不絕，仲旺過旺角，原以為兩點半後，食店應該唔多人，點知間間爆滿。最後去左間叫老友記的茶餐廳，每人食左碟超足料又惹味的大澳蝦醬海鮮炒飯（$40），再加凍飲（$14），54大元下午茶當午飯兼晚飯，完全抵食！
食飽後，行多一陣，但實在太多人，決定打道回府。點知巴士總站的人龍長到打蛇餅，好在巴士密密開，等左五六班車都只係17分鐘，即可執死雞上到車。相信愈夜人龍愈長，真係走得快好世界！
五點正返到東涌港鐵站，落車時發覺雙腳累到無命！今次復活節郊遊樂，真係夠晒盡興！
沒有留言:
張貼留言