嘆華星冰室好滋味

全店內外好多電影明星海報。

 我們坐靠牆卡位，好舒服！但中間沙甸魚位就係好窄！

 常餐36蚊，唔算貴！煎蛋改炒蛋，質素同澳牛一樣滑。

 常餐的一部分。炒蛋好滑！

 炸雞翼兩全隻盛惠16元。

前面係常餐的叉燒通，後面係重口味一丁，湯底係濃郁番茄湯。

今日在旺角搵食，見華星冰室門口唔算多人，就同老友決定試下。可能時間尚早（中午十二點零鐘），等左五分鐘左右就有位，而且仲係坐靠牆卡位，唔使坐中間的沙甸魚位，簡直係天堂！

為左想試多Ｄ呢間餐廳的推介食品，我地叫左常餐（叉燒意粉或通粉，火腿煎蛋改火腿炒蛋，牛油多士，再配奶茶）之外，仲叫左重口味湯底出前一丁、炸雞翼同埋一杯飲品。

落餐時，最初以為會好似澳牛咁要同侍應即問即答，無時間諗多兩秒，結果唔係，個侍應都話佢地唔會咁chur　Ｄ客人，幾搞笑。至於食物質素方面，都算令人滿意：

＊常餐：最令人回味的係炒蛋，炒得好滑，多士亦鬆軟熱熱地。叉燒通粉就普通啦！

＊重口味湯底出前一丁：好多檯的客人都有叫，湯底其實係濃郁的番茄湯，不過由於麵都幾多，番茄湯底變得好快被索晒，要快快手食左佢！

＊炸雞翼：熱辣辣，加埋雞翼表面灑有胡椒，整得好滋味！

＊熱奶茶：雖然係推介飲品，我就覺得平實左Ｄ，唔差，但唔覺特別標青。

埋單合計105蚊，即每人50元多少少，唔貴，值得再去啦～

華星冰室
地址：旺角西洋菜南街107號地下