青衣郊遊 隆冬賞秋色

 今次行青衣徑時，沿途已鋪好晒石屎路，絕對係超舒服的郊遊徑。

煙霞嚴重，青馬大橋只係若隱若見。

 在青衣海濱公園眺望對岸，同樣灰濛濛。

 隆冬時分，青衣公園滿園秋色。

如此良辰美景，話身處外國公園也有人信呢～

前幾日，再遊青衣徑作為2013年郊遊最後一擊。今次先由青華苑的青衣徑開始，沿途石級和石屎路都鋪砌完工，行得好舒服，不過煙霞嚴重，青馬大橋只係若隱 若見。到長亨村後，在商場內小吃一會後，再沿馬路向長發市中心進發。到達巴士總站後，今次搞搞新意思，轉左進入青衣海濱公園漫步向青衣城方向前行，順便影 埋荃灣對岸景致，可惜又係煙霞累事，灰灰濛濛。

通過青衣城連接的天橋，轉入青衣公園，想不到隆冬時分，秋色正盛，唔少龍友聚集拍攝靚景，我地都唔輸蝕，從唔同角度影黃葉秋色，放上面書時，大家仲唔敢相信呢Ｄ相居然在香港拍攝出來呢～

青衣郊遊路線：

青華苑入口＞青衣徑＞長亨村（可在村內商場稍事休息）＞長發村（由長亨沿馬路落山，大約二十分鐘）＞青衣海濱公園＞青衣城＞青衣公園