霧霾上海行（六）：遊世博遺址（中國館、沙特館和意大利館）

 原沙特館外形似月亮船，因而得名。

 月亮船內最值得參觀的就係呢個珍寶影院。參觀者站在環狀行人電梯上，慢慢前行，牆上四周出現的畫面不斷變化，介紹沙特風光、文化和經濟狀況。

 畫面不斷變動，令人恍如置身在大型萬花筒之內。

 畫面又一變，數以千萬名沙特人民在你眼前環迴出現，真係好震撼。

 睇完珍寶影院，登上天台，遠眺中國館，可惜霧霾情況下，

鮮艷紅色的中國館變成暗紅了。

 由最高處向下望，迴旋的藝術長廊感覺美極了。

 

外觀用最新發明的透明混凝土技術造的意大利中心。

入口有大衛像和意大利文藝復興建築歡迎我地。

最大驚喜係見到牆上垂直放置左兩個公路版的法拉利。

另外仲有獨立館擺放多幾部紅色和黑色的法拉利，就算無得坐睇下都開心。

意大利出品的 行李箱戙到有幾層樓咁高。

 又係垂直放在牆上的管弦樂隊，不過只係得空櫈。

呢個前身係中國館的中國藝術宮殿樓高69米，有東方之冠之稱，

而家永久放置於此，變身做藝術館，免費讓人參觀。

 館內有好多不同畫作、雕塑等藝術作品。

 又一座雕塑。由於展館實在太大，要仔細遊完真係無幾小時唔得！

巴金頭像栩栩如生。

第三日，坐地鐵到耀華路站（後來發現，其實在中華藝術宮站下車更近）前往世博遺址，參觀僅存的中華藝術宮（原中國館）、月亮船（原沙特館）和意大利中心（意大利館）。

在售票處，打算購買月亮船和意大利中心的門票，點知有當地人向我地兜售更便宜的聯票（工作門票：官方價100元，黃牛價90元），結果我地就買左黃牛票，先參觀月亮船。

月亮船有藝術長廊、珍寶影院和屋頂花園等景點，其中的珍寶影院實在令人好震撼，置身在1,600平方米的巨幕影院中，可以360度環視沙特阿拉伯的風光和文化，難怪當年世博期間，沙特館曾是繼中國館之後第二個人氣展館啦。

參觀左大半個小時，出館後坐穿梭車前往意大利中心。相比月亮船，外觀用最新發明的透明混凝土技術造的意大利中心則較遜色，入口有大衛像和意大利文藝復興建築歡迎我地，而館內則陳設了意大利的特色家具、時裝、樂器，最大驚喜係見到牆上垂直放置左兩個公路版的法拉利，另外仲有獨立館擺放多幾部紅色和黑色的法拉利，就算無得坐睇下都開心。

遊完意大利中心，門外見唔到穿梭巴士，結果每人5元坐左架無牌車去中國藝術宮。呢個前身係中國館的中國藝術宮殿樓高69米，有東方之冠之稱，當日世博期間擠滿參觀人潮，今日已變成為免費入場的藝術館（電子版清明上河圖則要20元入場費），展出不少藝術品，最令人印象深刻的係其中一館內顯示的巨大巴金頭像，形神俱維肖維妙，高高在上的他彷彿慈祥地俯視蒼生。

世博遺址前往方法：

乘坐地鐵8號線在中華藝術宮站下車即達。