首爾冬遊記（十五）：北村韓國村八景好難搵

 ＊韓國屋的門窗和屋瓦均保留傳統特色。

 ＊韓國屋的門窗和屋瓦均保留傳統特色。

 ＊沿途見到北村最高展望台的指示牌，於是跟住指示走，登上位於三樓的展望台。

 ＊位於三樓的展望台（其實係私人民居）可以睇盡北村全貌和特色屋瓦。

 ＊遠眺昌德宮（呢個係八景之一）。

 ＊南山上的Ｎ首爾塔。

 ＊離開展望台，見呢度好多人影相，仲有日本電視台拍攝，應該係八景之一！

到達北村韓國村，雖然遇到日本女仔俾左張北村八景的地圖我地，但間間韓屋都差唔多，真係認唔到，唯有見到人多聚集的地方，人影我又影，跟住齊齊影就一定無錯，到最後都唔知自己影左幾多景添！

沿途見到北村最高展望台的指示牌，於是跟住指示走，登上位於三樓的展望台。其實，呢個展望台係一間民居，不過屋主利用居高臨下的優越位置開放俾遊客眺望北村全景。每人收費3,000韓元，送一杯飲品（橙汁或啡茶）。

呢間位於三樓的民居的確可以俯瞰北村全貌和特色屋瓦之外，仲可以遠眺昌德宮和Ｎ首爾塔，親切的屋主更指示邊度係第六和第七景。不過，落到樓之後，又係記唔到。

繼續在北村遊走，見靚屋就留影，見人多聚集的地方又去湊熱鬧，總之乜景都影！唯一可惜的是搵唔到《個人取向》中孫藝珍的屋企（回港後，朋友話原來係43號，我地一直以為係40號，經過門前都認唔出，真係大懵！），真係唔抵。

北村韓國村前往方法：
由地鐵安國站2號出口向前行，見小學就過對面馬路，然後靠左見藥店就係北村韓國村的入口。